ខេត្តរតនគីរី ៖ បុរសម្នាក់ជិះម៉ូតូដួលខ្លួនឯងបណ្តាលឱ្យស្លាប់ភ្លាមៗនៅកន្លែងកើតហេតុយ៉ាងអាណោចអាធម័ ។ ហេតុការណ៍នេះបានកើតឡើងកាលពីវេលាម៉ោង៨និង៥០នាទីយប់ថ្ងៃទី២៣ ខែកញ្ញា ឆ្នាំ២០១៨ នៅលើផ្លូវជាតិលេខ៧៨ នៅទល់មុខការ៉ាស់សាំងបូរ៉ាគៀមនី ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង ។
សមត្ថកិច្ចប៉ូលិសជំនាញចរាចរណ៍ជើងគោកក្រុងបានលុងនឹងខេត្តបានចុះមកធ្វើការវាស់វែងនៅកន្លែងកើតហេតុសមត្ថកិច្ចបានអោយដឹងថា ជនរងគ្រោះដែលស្លាប់ឈ្មោះសុង សុខរី ភេទប្រុស អាយុ៣២ឆ្នាំ ជាកម្ម
ករនៅក្រុមហ៊ុនតាយសេង មានទីលំនៅភូមិ៤ សង្កាត់ការចាញ ក្រុងបានលុង ជាអ្នកបើកបរម៉ូតូម៉ាកហុងដា ស៊េរីឆ្នាំ២០១៦ ពណ៌ខ្មៅ ធ្វើដំណើរក្នុងទិសដៅពីខាងកើតទៅលិចមានល្បឿនយ៉ាងលឿនហូសកំណត់ គោលបំណងត្រឡប់ទៅផ្ទះវិញ លុះមកដល់កន្លែងកើតហេតុទំនងជនរងគ្រោះវាក់នឹងអ្វីនៅខាងមុខទើបជាន់ហ្វ្រាំងម៉ូតូតក់ក្រហល់ពេក បណ្ដាលអោយជួលស្លាប់ខ្លួនឯងបែបនេះ ។
នៅលើដងខ្លួនសពជនរងគ្រោះ ឃើញមានស្នាមរបួសបែកក្បាលខាងក្រោយ និងមានឈាមហូរតាមច្រមុះ។
នៅក្នុងហេតុការណ៏គ្រោះថ្នាក់ចរាចរណ៏ខាងលើនេះបើតាមសាក្សីដែលនៅក្បែកន្លែងកើតហេតុបានអោយដឹងថាមុនពេលកើតហេតុគេបានយើញជនរងគ្រោះបានជិះម៉ូតូតែម្នាក់ឯងបើកម៉ូតូមានល្បឿនយ៉ាងលឿន ហើយពួកគាត់មិនបានឃើញថាជនរងគ្រោះជិះម៉ូតូជូបនឹងអ្វីឱ្យច្បាស់លាស់នោះទេ គ្រាន់តែឮសូរសំឡេងម៉ូតូដួលលាន់ដូចរន្ទះ បណ្តាលឱ្យជនរងគ្រោះស្លាប់ភ្លាមៗបែបនេះ។
បច្ចុប្បន្នសពជនរងគ្រោះត្រូវបានសមត្ថកិច្ចបានប្រគល់ជួនអោយក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ