ខេត្តកំពង់ចាម ៖ អ្នកធ្វើដំណើរតាមម៉ូតូ និងរថយន្តតូចធំបាននាំគ្នាភ្ញាក់ផ្អើលចោមរោមឈរមើលព្រោងព្រាតនៅវេលាម៉ោង១២និង២០នាទីថ្ងៃត្រង់ថ្ងៃទី១២ ឧសភា បន្ទាប់ពីដឹងថាបុរសកើតរោគសរសៃប្រសាទម្នាក់ឈ្មោះ លី ប៉ោគង់ អាយុ៣០ឆ្នាំ រស់នៅភូមិសួង សង្កាត់សួង ក្រុងសួង បានចុះពីលើរថយន្តម៉ាកឡិចស៊ីស RX300 ពណ៌ខ្មៅ១គ្រឿង រួចរត់ទៅលោតសម្លា.ប់ខ្លួនចូលទៅក្នុងទឹកទន្លេមេគង្គ
ខេត្តកំពង់ចាម ៖ អ្នកធ្វើដំណើរតាមម៉ូតូ និងរថយន្តតូចធំបាននាំគ្នាភ្ញាក់ផ្អើលចោមរោមឈរមើលព្រោងព្រាតនៅវេលាម៉ោង១២និង២០នាទីថ្ងៃត្រង់ថ្ងៃទី១២ ឧសភា បន្ទាប់ពីដឹងថាបុរសកើតរោគសរសៃប្រសាទម្នាក់ឈ្មោះ លី ប៉ោគង់ អាយុ៣០ឆ្នាំ រស់នៅភូមិសួង សង្កាត់សួង ក្រុងសួង បានចុះពីលើរថយន្តម៉ាកឡិចស៊ីស RX300 ពណ៌ខ្មៅ១គ្រឿង រួចរត់ទៅលោតសម្លាប់ខ្លួនចូលទៅក្នុងទឹកទន្លេមេគង្គលិចបាត់ ។
លោកអនុសេនីយ៍ឯក គឹម វុទ្ធី ប្រធានគោលដៅការពារស្ពានគីហ៊្សុណាបានមានប្រសាសន៍ថា បុរសលោតទឹកនេះបានជិះរថយន្តម៉ាកឡិចស៊ីស RX300 ចេញពីក្រុងសួង ក្នុងគោលបំណងទៅកាន់វត្តមួយនៅក្នុងស្រុកកំពង់សៀម ។ ស្របពេលរថយន្តមកដល់លើស្ពានគីហ៊្សុណា ក្នុងទិសដៅពីកើតមកលិច ស្រាប់តែបុរសឈ្មោះ ប៉ោគង់ បើកទ្វាររថយន្តរត់ទាំងប្រញាប់ប្រញាល់ឡើងលើបង្កាន់ដៃស្ពាន រួចលោតធ្វើអត្តឃាតចូលទៅក្នុងទឹកទន្លេមេគង្គ ។
លោកអនុសេនីយ៍ឯក គឹម វុទ្ធី ប្រធានគោលដៅការពារស្ពានមានប្រសាសន៍បន្តថា ភ្លាមៗនោះក្រុមសាច់ញាតិដែលជិះលើរថយន្តជាមួយមានគ្នា៥ទៅ៦នាក់ទាំងក្មេងៗផងដែរ បាននាំគ្នាមកមើលពីលើស្ពាន តែមិនឃើញអណ្តែត ។ ភ្លាមៗនោះកម្លាំងយាមប្រចាំការនៅលើស្ពានបានសហការជាមួយនឹងសាច់ញាតិ បើករថយន្តទៅកាន់ត្រើយទន្លេបិទ ព្រមទាំងបានជួលទូកបងប្អូនខ្មែរអ៊ិស្លាមចុះរាវរកនៅចម្ងាយពីច្រាំងប្រហែល៧ម៉ែត្រ និងជម្រៅទឹកទន្លេ១០ម៉ែត្រ ក៏ប្រទះឃើញសព និងស្រង់មកដាក់លើគោក ហើយលើកដាក់រថយន្តមួយបាំងកន្លះដឹកយកទៅធ្វើបុណ្យតាមប្រពៃណី ។
អ្នកស្រីឈ្មោះ សំ ប៊ុននី អាយុ៣៧ឆ្នាំ រស់នៅក្រុងសួងប្រាប់ថា ប្អូនថ្លៃប្រុសគាត់នេះឈ្មោះ លី ប៉ោគង់ មានជំងឺដេកមិនលក់ ៣ខែមកហើយ។ នៅព្រឹកមិញនេះ (១២ ឧសភា) បានឱ្យប្តីរបស់អ្នកស្រីដឹកមកវត្តនគរបាជ័យ ស្រុកកំពង់សៀម ដើម្បីអុជធូបបែរបន់តាព្រហ្ម បើពុំនោះទេ តាព្រហ្មនឹងយកជីវិត រួចក៏នាំគ្នាឡើងជិះរថយន្តចេញមកដល់លើស្ពានគីហ្សុ៊ណា បែរជាប្អូនថ្លៃបើកទ្វាររថយន្តលោតទឹកទន្លេធ្វើអត្តឃាតតែម្តង ៕
ខឹងម្តាយដកតូបមិនឱ្យលក់ដូរជិះម៉ូតូទៅលោតទឹកសម្លាប់ខ្លួនទាំងយប់
រាជធានីភ្នំពេញ ៖ បុរសម្នាក់បានជិះម៉ូតូទៅលោតទឹកសម្លាប់ខ្លួនពីលើស្ពានជ្រោយចង្វាកាលពីវេលាម៉ោង៩និង៥នាទីយប់ថ្ងៃទី១០ ឧសភា ហើយត្រូវបានក្រុមគ្រួសារជួលបង ប្អូនខ្មែរអ៊ិស្លាមរាវរកសពឃើញកាលពីព្រឹកថ្ងៃទី១១ ឧសភា នាំយកទៅធ្វើបុណ្យតាមប្រពៃណី ។ បុរសដែលធ្វើអត្តឃាតនេះឈ្មោះ សុង កៅ អាយុ២៣ឆ្នាំ មានទីលំនៅក្នុងសង្កាត់ទំនប់ទឹក ខណ្ឌចំការមន ហើយចំពោះការធ្វើអត្តឃាតនេះត្រូវបានក្រុមគ្រួសារឱ្យដឹងថា ដោយសារខឹងម្តាយដកតូបលក់ដូរនៅផ្សារអូរឫស្សី ទៅជួលឱ្យអ្នកដទៃវិញ ។
តាមមន្ត្រីប៉ូលិសអង្គភាពការពារគោលដៅទី៣ ការពារស្ពានជ្រោយចង្វាឱ្យដឹងថា នៅវេលាម៉ោង៩និង៥នាទីយប់ថ្ងៃទី១០ ខែឧសភា ឆ្នាំ២០១៣ បុរសរូបនេះបានជិះម៉ូតូម៉ាកឃ្លិកពណ៌សលាយខ្មៅ និងទឹកប៊ិក ពាក់ស្លាកលេខភ្នំពេញ 1BK-7306 ធ្វើដំណើរក្នុងទិសដៅពីលិចទៅកើត ហើយបានឈប់និយាយទូរស័ព្ទនៅលើស្ពានជ្រោយចង្វាមួយសន្ទុះ ក៏លោតទឹកសម្លាប់ខ្លួនទៅក្នុងទន្លេលិចបាត់ ដោយបន្សល់ទុកម៉ូតូមួយគ្រឿង និងទូរស័ព្ទមួយគ្រឿងនៅលើស្ពាន។ តាមរយៈទូរស័ព្ទ ប៉ូលិសក៏បានទាក់ទងទៅក្រុមគ្រួសារបងប្អូន ហើយនៅព្រឹកថ្ងៃទី១១ ខែឧសភា ក៏បានជួលបងប្អូនខ្មែរអ៊ិស្លាមរាករកសពឃើញនៅវេលាម៉ោង៧ព្រឹក ។
តាមក្រុមគ្រួសារឱ្យដឹងថា ឈ្មោះ សុង កៅ ត្រូវម្តាយឱ្យតូបលក់គ្រឿងទេសនៅផ្សារអូរឫស្សី តែការលក់ដូរមិនចំណេញដោយសារគិតតែដើរលេងស៊ីចាយ ទើបម្តាយដកតូបនោះយកទៅជួលឱ្យអ្នកផ្សេងវិញ ក៏បណ្តាលឱ្យកូនប្រុសម្នាក់នេះខឹងមកលោតទឹកសម្លាប់ខ្លួនតែម្តង ៕
ចែករំលែកព័តមាននេះ