ខេត្តកំពត ៖ គ្រួសារមួយនេះពិតជាវេទនាពេកណាស់ ដែលនៅក្នុងចំណោមសមាជិកគ្រួសារ៦នាក់ កូនស្រីច្បងអាយុ១៩ឆ្នាំ បានពិការជើងស្ដាំដោយសារគ្រោះថ្នាក់ចរាចរណ៍នៅប្រទេសថៃ ។គ្រួសារដែលមានកូនស្រីជាជនពិការនេះ គឺលំបាកពេកហើយ ដោយនាងបត់ជើងតាមឆ្អឹងជំនីរ ហើយបានចាកចេញពីប្រទេសថៃកាលពីថ្ងៃទី១៤…
ខេត្តកំពត ៖ គ្រួសារមួយនេះពិតជាវេទនាពេកណាស់ ដែលនៅក្នុងចំណោមសមាជិកគ្រួសារ៦នាក់ កូនស្រីច្បងអាយុ១៩ឆ្នាំ បានពិការជើងស្ដាំដោយសារគ្រោះថ្នាក់ចរាចរណ៍នៅប្រទេសថៃ ។
គ្រួសារដែលមានកូនស្រីជាជនពិការនេះ គឺលំបាកពេកហើយ ដោយនាងបត់ជើងតាមឆ្អឹង
ជំនីរ ហើយបានចាកចេញពីប្រទេសថៃកាលពីថ្ងៃទី១៤ ខែមិថុនា ឆ្នាំ២០២៥កន្លងទៅ ឆ្លង
កាត់តាមច្រកភ្នំដី ខេត្តបាត់ដំបង មកដល់ភូមិកំណើតនៅភូមិបឹងធំ ឃុំអង្គសុរភី ស្រុកកំពង់
ត្រាច ខេត្តកំពត ។
តាមការរៀបរាប់របស់ឪពុកឈ្មោះ ហុឹម គាន អាយុ៤៤ឆ្នាំ ថា គ្រួសារគាត់មានកូនចំនួន៤នាក់ ក្នុងនោះស្រីម្នាក់ឈ្មោះ ភ័ណ ស្រីមន់ អាយុ១៩ឆ្នាំ ។ កូនស្រីគាត់រូបនេះបានជួបគ្រោះអកុសល ពេលចេញទៅធ្វើការនៅស្រុកថៃបានជួបគ្រោះថ្នាក់ចរាចរណ៍ធ្ងន់រហូតដល់កាត់ជើងស្ដាំកាលពីឆ្នាំមុន ។ បច្ចុប្បន្ន កូនស្រីរបស់គាត់មិនទាន់ជារបួសទេ ហើយត្រូវបត់ជើងតាមឆ្អឹងជំនីរ ។
ទោះជាកូនស្រីពិការបែបនេះក្ដី ស្របពេលអាជ្ញាធរថៃប្រកាសឱ្យពលរដ្ឋខ្មែរចាកចេញពីប្រទេសគេ ខណៈមានការប៉ះទង្គិចគ្នារវាងកងទ័ពថៃនិងកងទ័ពខ្មែរនៅតាមព្រំដែន គាត់ក៏នឹកឃើញខ្លាចគេធ្វើបាបកូន ប្រពន្ធ ក៏នាំគ្នាចេញមកពីថៃទាំងអត់សោហ៊ុយ ដោយឱ្យបងប្អូនវេរលុយធ្វើសោហ៊ុយមកដល់ភូមិកំណើត គឺភូមិបឹងធំ ឃុំអង្គសុរភី ស្រុកកំពង់ត្រាច ។
លោក ហុឹម គាន និយាយរៀបរាប់ទៀតថា ដោយសារតែកូនស្រីគាត់ជួបគ្រោះថ្នាក់ចរា
ចរណ៍ធ្ងន់បែបនេះហើយ ទើបគាត់ត្រូវបង្ខំចិត្តលក់ដីនិងផ្ទះមើលកូនៗដែលនៅតូចៗ និងពិការដោយបានលក់ដីស្រែនិងផ្ទះអស់ ។ លុះពេលត្រឡប់មកវិញមិនមានផ្ទះសម្បែងជ្រកកោនទៀតទេ គឺស្នាក់នៅផ្ទះបងប្អូនជីដូនមួយសិន ។
បុរសរូបនេះបាននិយាយត្អូញត្អែរថា គ្មានអ្វីសង្ឃឹមថាបានលុយមើលថែកូនស្រីពិការទៀត
ទេ ។ នៅស្រុកថៃស្មានតែបានសុខសាន្តដឹងអីដូចរស់ក្នុងឋាននរកភ្នែកស្រស់ស្រាប់តែគេដេញចេញទៀត ក៏មកស្រុកកំណើតវិញ និងមិនមានសល់អ្វីទៀតឡើយ ៕
ចែករំលែកព័តមាននេះ