ខេត្តពោធិ៍សាត់ ៖ សេចក្តីរាយការណ៍បឋមឱ្យដឹងថា កាលពីវេលាម៉ោង២រសៀលថ្ងៃទី១៧ កញ្ញា កម្លាំងសមត្តកិច្ចនគរបាលស្រុកវាលវែង បានធ្វើការឃាត់ខ្លួនអ្នកសារព័ត៌មាន២រូប ស្ថិតនៅចំណុចភូមិដីក្រហម ឃុំថ្មដា ស្រុកវាលវែង ខេត្តពោធី៍សាត់ ពាក់ព័ន្ធបទញុះញង់ និងផ្សាយព័ត៌មានមិនពិត ។
សេចក្តីរាយការណ៍បន្តថា ទាំង២នាក់ ម្នាក់មានឈ្មោះ មិន ផុន ភេទប្រុស មានទីលំនៅភូមិដីក្រហម ឃុំធម្មតាអរ ស្រុកសំរោងទង ខេត្តកំពង់ស្ពឺ និងម្នាក់ទៀត ឈ្មោះ សារៈ ដារា ភេទប្រុស អាយុ៣៨ឆ្នាំ នៅចំណុចភូមិដីក្រហម ឃុំថ្មដា ស្រុកវាលវែងខេត្តពោធិសាត់ ហើយទាំង២នាក់ជាអ្នកយកព័ត៌មានឱ្យអង្គភាពអនឡាញ TNM ។
ប្រភពបន្តថា សមត្ថកិច្ចឃាត់អ្នកយកព័ត៌មានទាំង២នាក់នោះ យោងតាមបណ្តឹងពីរ ១-បណ្តឹងអាជ្ញាធរ និង២-បណ្តឹងរបស់ក្រុមហ៊ុនMDS(ទ្រី ភាព) ដោយមានដីការបញ្ជាឱ្យចូលខ្លួនរបស់ស្ថាប័នអយ្យការអមសាលាដំបូងខេត្តពោធិ៍សាត់ ។ ក្រោយពីឃាត់ខ្លួនអ្នកសារព័ត៌មានទាំងពីរនាក់ សមត្ថកិច្ចបានសំណុំរឿងទៅកាន់សាលាដំបូងខេត្ត ដើម្បីច្បាប់ ។
ចែករំលែកព័តមាននេះ