Rakitic ថា Modric គួរតែឈ្នះពានណាដែល Messi មិនអាចយកបាន
តាមប្រភពព័ត៌មាន Goal បានឲ្យដឹងថា ខ្សែបម្រើរបស់ក្លិបអ្នកមានបុណ្យ Ivan Rakitic ជឿជាក់ថា ពានទាំងឡាយណាដែល Lionel Messi…
តាមប្រភពព័ត៌មាន Goal បានឲ្យដឹងថា ខ្សែបម្រើរបស់ក្លិបអ្នកមានបុណ្យ Ivan Rakitic ជឿជាក់ថា ពានទាំងឡាយណាដែល Lionel Messi…
តាមប្រភពព័ត៌មាន Goal បានឲ្យដឹងថា ខ្សែបម្រើរបស់ក្លិបអ្នកមានបុណ្យ Ivan Rakitic ជឿជាក់ថា ពានទាំងឡាយណាដែល Lionel Messi យកមិនបាននៅរដូវកាលនេះគួរតែធ្លាក់ទៅមិត្តរួមក្រុមជម្រើសជាតិក្រូអាត Luka Modric ។
Modric ទើបតែមកពី World Cup វិញជាមួយនឹងភាពជោគជ័យដែលអាចនាំក្រុមទាំងមូលទៅដល់វគ្គផ្តាច់ព្រ័ត្រជួបនឹងមាន់គកបារាំង ។ រូបគេក៏បានឈ្នះពាន UEFA Men’s Player of the Year និងជាបេក្ខជនក្នុងការដណ្តើមពាន the Best Men’s Player ផងដែរ ។
Messi វិញមិនបានឡើងជាបេក្ខជនក្នុងការដណ្តើមពាន the Best Men’s Player នេះទេ ។ តែ Modric បានជាប់ជាកីឡាករម្នាក់ប្រជែងនឹងជើងខ្លាំង Critiano Ronaldo និងMohamed Salah ។
មិត្តរួមក្រុមជម្រើសជាតិក្រូអាត Rakitic ជឿជាក់ថា Modric សមនឹងទទួលបានពានអ្វី ដែល Messi មិនអាចយកបាន នៅរដូវកាលនេះ ។ កីឡាករក្រូអាតនៅ Barcelona រូបនេះប្រាប់សារព័ត៌មាន Marca ថា «ប្រសិនបើមានពានណាដែល Messi មិនអាចយកបាននៅរដូវកាលនេះវាគួរតែធ្លាក់ទៅលើ Luka Modric ។ វាមិនមានអ្វីភ្ញាក់ផ្អើលនោះទេសម្រាប់ខ្ញុំ ប្រសិនបើគេទទួលបានការបោះឆ្នោតច្រើន ។ នេះ គឺជាឆ្នាំរបស់គេ ហើយខ្ញុំពិតជាសប្បាយចិត្តណាស់ »។
Rakitic ក៏បានបន្តថា «ប្រសិនបើ Messi មិនមែនជាកីឡាករខ្លាំងផ្តាច់គេវាគួរតែ Modric »។
គួរបញ្ជាក់ផងដែរថា Modric ក្រៅពីនាំក្រុមជម្រើសជាតិដល់វគ្គផ្តាច់ព្រ័ត្ររបស់ World Cup រូបគេក៏បានជួយ Real Madrid ឲ្យឈ្នះ Champions League នៅរដូវកាលមុនផងដែរ ៕
ចែករំលែកព័តមាននេះ