រាជធានីភ្នំពេញ ៖ អ្នកវិភាគនយោបាយប្រកាន់ជំហរកណ្តាលម្នាក់បានអះអាងថា មូលហេតុដែលអន្តរជាតិមិនដាក់គំនាបមកលើរដ្ឋាភិបាលកម្ពុជាដោយសារតែលោក សម រង្ស៊ី បានបំផ្លាញរចនាសម្ព័ន្ធគណបក្សតាមរយៈបង្កើតចលនាសង្គ្រោះជាតិខ្យល់ ។
ការលើកឡើងនេះស្របពេលដែលលោក សម រង្ស៊ី បង្កើតចលនាសង្គ្រោះជាតិនៅក្រៅប្រទេស កាលពីពេលកន្លងមកនេះក្រោយគណបក្សសង្គ្រោះជាតិត្រូវតុលាការរំលាយ និងពេលលោក កឹម សុខា អតីតប្រធានគណបក្សសង្គ្រោះជាតិត្រូវបានឃាត់ខ្លួនពន្ធនាគារ ។
លោក សុខ សុគន្ធ ហៅថា ជេម សុខ ត្រូវបានគេហៅអ្នកវិភាគនយោបាយមួយរូបនៅក្រៅប្រទេសបានអះអាងថា គ្មានការបោះឆ្នោតឡើងវិញ និងគ្មានអន្តរជាតិណាលូកដៃចូលកិច្ចការផ្ទៃក្នុងរបស់ប្រទេសកម្ពុជាបាននោះទេ ដោយសាររចនាសម្ព័ន្ធបក្សប្រឆាំងធ្វើឲ្យអន្តរជាតិមិនអាចទុកចិត្តបាន ។
ការអះអាងនេះបន្ទាប់ពីឃើញបញ្ហាផ្ទៃក្នុងរបស់អតីតបក្សប្រឆាំងបានកំពុងតែកើតមានជាបន្តបន្ទាប់នោះ ហើយស្វះស្វែងដើម្បីឲ្យអន្តរជាតិជួយដើម្បីឲ្យមានការបោះឆ្នោតឡើងវិញ ហើយមានវត្តមានគណបក្សប្រឆាំង ។
លោក សុខ សុគន្ធ បានលើកឡើងថា «គ្មានការបោះឆ្នោតឡើងវិញទេ ហើយបើមានគឺមានកម្រិតតិចណាស់ ។ អ្វីដែលសម្តេច ហ៊ុន សែន ចង់ធ្វើគឺបន្តអាណត្តិទី៦ទៅមុខ ហើយរហូត មកដល់ពេលនេះ ហ៊ុន សែន មិនទាន់ទទួលបានសម្ពាធធ្ងរធ្ងន់ ដើរថយក្រោយដល់សូន្យ នោះទេ» ។
យ៉ាងណាក្តីអ្នកវិភាគរូបនេះក៏បានលើកឡើងថា សព្វថ្ងៃនេះមានបងប្អូនមួយចំនួនបានយល់ខុសតាមសំដីលោក សម រង្ស៊ី ដែលជាសម្លេងខ្យល់ ។ លោកបានបង្ហាញមូលហេតុដែលអន្តរជាតិមិនលូកដៃលើរដ្ឋាភិបាលដោយសារ សម រង្ស៊ី បានបំផ្លាញ់រចនាសម្ព័ន្ធរបស់គណបក្សសង្គ្រោះជាតិ គ្មានសេសសល់ ពិសេសនោះនៅបរទេសតែម្តង ។ ជាក់ស្តែងនោះការបង្កើតចលនាសង្គ្រោះជាតិ ថ្ងៃ២៨ ខែមករា ឆ្នាំ២០១៨ ។
លោកបញ្ជាក់ថា« រង្ស៊ី បានធ្វើកំហុសមួយយ៉ាងធ្ងន់ គឺបំផ្លាញ់រចនាសម្ព័ន្ធដែលនៅសេស សល់នៅបរទេស ដោយបង្កើតចលនាខ្យល់មួយ (ចលនាសង្គ្រោះជាតិ) ដោយមកជ្រកក្រោម ផ្លាកសង្គ្រោះជាតិ» ។
ជាមួយគ្នានោះដែរ សុខ សុគន្ធ ក៏បានលើកឡើងថា ប្រសិនបើ សម រង្ស៊ី ធ្វើការជាមួយរចនាសម្ព័ន្ធនៅក្រៅប្រទេសនោះ របបដឹកនាំដោយរដ្ឋាភិបាលបច្ចុប្បន្ននឹងត្រូវដួលរំលំ ប៉ុន្តែអ្វីៗត្រូវ បានបញ្ចប់ហើយ ។
លោកបញ្ជាក់ថា «គ្មានសម្ពាធបរទេសឯណាបើ សម រង្ស៊ី និងអ្នកមួយចំនួនបានបំផ្លាញរចនាសម្ព័ន្ធបាត់ហើយ ។ អីញ្ចឹងសម្ពាធលើលោក ហ៊ុន សែន អត់មានទេ ដោយសាររចនាសម្ព័ន្ធខ្សោយដូចជាមាន់អត់ក្បាល ។ ហើយវាខ្យោយហើយ តើបានសម្ពាធពិណា» ។
លោកបន្ថែមថា សម រង្ស៊ី មិនដែលទទួលខុសត្រូវចំពោះអ្វីដែលលោកបានធ្វើនោះទេដូចជាការដឹកនាំធ្វើបាតុកម្មម្តងលោក សម រង្ស៊ី បានរត់តែរួចខ្លួនបាត់នៅក្រៅប្រទេសទុកឲ្យសកម្មជនជាប់គុក ៕
ចែករំលែកព័តមាននេះ