David Silva នៅ Man City ទទួលបានពិន្ទុខ្ពស់សម្រាប់ FIFA 19
តាមប្រភពព័ត៌មាន Manchester Evening News បានឲ្យដឹងថា ខ្សែបម្រើរបស់ក្លិបមេឃខៀវ David Silva ក្លាយទៅជាកីឡាករលំដាប់ទី២៤ខ្លាំងជាងគេសម្រាប់ការប្រកួត FIFA…
តាមប្រភពព័ត៌មាន Manchester Evening News បានឲ្យដឹងថា ខ្សែបម្រើរបស់ក្លិបមេឃខៀវ David Silva ក្លាយទៅជាកីឡាករលំដាប់ទី២៤ខ្លាំងជាងគេសម្រាប់ការប្រកួត FIFA…
តាមប្រភពព័ត៌មាន Manchester Evening News បានឲ្យដឹងថា ខ្សែបម្រើរបស់ក្លិបមេឃខៀវ David Silva ក្លាយទៅជាកីឡាករលំដាប់ទី២៤ខ្លាំងជាងគេសម្រាប់ការប្រកួត FIFA ឆ្នាំ២០១៩ ។ នេះត្រូវបានបញ្ជាក់ដោយសារព័ត៌មាន EA ។
កីឡាករអេស្ប៉ាញមួយរូបនេះទទួលបាន២ពិន្ទុបន្ថែមពីលើពិន្ទុបានកាលពី FIFA ឆ្នាំ២០១៨ នេះដែលធ្វើឲ្យពិន្ទុសម្រាប់ឆ្នាំ២០១៩ ឡើងដល់ទៅ៨៩ ។ នេះពិតជាសាកសមណាស់សម្រាប់ Silva ព្រោះរូបគេគឺជាកីឡាករ City លេចធ្លោក្នុងការប្រកួតរដូវកាលមុន ។
សារព័ត៌មាន EA បានបង្ហោះដំណឹងនេះជាមួយនឹងការពិពណ៌នាពី Silva នៅលើវេបសាយ EA Sports ថា ៖«ខ្សែបម្រើល្អ Silva ពិតជាគួរឲ្យកោតសរសើរមែន ។ គេនៅមិនទាន់បញ្ចេញអស់នៅឡើយទេ ។ កីឡាករអេស្ប៉ាញរូបនេះ ដែលតែងតែក្រវែលនៅតំបន់កណ្តាលដើម្បីបម្រើ ពិតជាកីឡាករពូកែលេងសុទ្ធសាធមិនថា នៅទីណានៃតារាងនោះទេ» ។
Silva គឺជាកីឡាករទី៨នៅក្នុងក្លិបមេឃខៀវ Man City ដែលបានទទួលបាន FIFA 19 Rating តាមការបញ្ជាក់របស់សារព័ត៌មាន EA ក្រោយពីការប្រកាសកាលពីសប្តាហ៍មុនថា Riyad Mahrez, Raheeem Sterling និង Vincent Kompany ទទួលបានពិន្ទុ Rating ៨៥ ខណៈដែល Leroy Sane, Nicolas Otamendi, Fernandinho និង Ederson ទទួលបានពិន្ទុ Rating ៨៦ ។ FIFA 19 នឹងប្រកាសលក្ខណៈពេញលេញនៅថ្ងៃទី២៨ ខែកញ្ញា ឆ្នាំ២០១៨ ខាងមុខនេះ ៕
ចែករំលែកព័តមាននេះ