ខេត្តកំពង់ស្ពឺ ៖ បើតាមសេចក្តីរាយការណ៍បានឱ្យដឹងថា បេក្ខជនម្នាក់ដែលត្រូវអង្គុយប្រឡងសញ្ញាបត្រមធ្យមសិក្សាទុតិយភូមិចំណេះដឹងទូទៅក្នុងបន្ទប់១តែម្នាក់ឯង នាថ្ងៃទី២០ ខែសីហា ឆ្នាំ២០១៨ នោះ បានប្រឡងជាប់ហើយ។
សេចក្តីរាយការណ៍បន្តទៀតថា បេក្ខជនខាងលើនេះឈ្មោះ សេម វិចិត្រ អាយុ១៩ឆ្នាំ រស់នៅភូមិក្រាំងខ្នង ឃុំស្តុក ស្រុកគងពិសី ហើយបានប្រឡងជាប់និទ្ទេស D ទៀតផង ។
បើតាមលោក វ៉ី សំណាង អភិបាលនៃគណៈអភិបាលខេត្តកំពង់ស្ពឺនៅព្រឹកថ្ងៃទី១០ កញ្ញា នេះ ក៏បានសរសេនៅលើហ្វេសប៊ុករបស់លោកថា «សូមចូលរួមអបអរសាទរ ជាមួយប្អូនៗដែលទទួលបាននិទ្ទេស A ទាំងបីនាក់» ចំណែកប្អូនៗដែលមិនទទួលបាននិទ្ទេស A ក៏ពូចូលរួមត្រេកអរ និងអបអរសាទរដូចគ្នា។ ហើយដើម្បីជាការលើកទឹកចិត្ត លោកនឹងទិញម៉ូតូជូនប្អូនៗដែលទទួលបាននិទ្ទេស A មួយៗម្នាក់។
ហើយលោកក៏ផ្តាំផ្ញើដល់ប្អូនៗទាំងអស់ សូមខិតខំរៀនសូត្រទាំងគ្នា ដើម្បីខ្លួនយើង គ្រួសារយើង មិត្តភក្តិយើង ជាពិសេសសំរាប់ចូលរួមកសាងប្រទេសជាតិរបស់យើង ក្រោមម្លប់នៃសន្តិភាពដែលមាននាពេលបច្ចុប្បន្ននេះ។
គួររំលឹកថា ៖ ដឹងមូលហេតុដែលបេក្ខជនម្នាក់នេះត្រូវប្រឡងបន្ទប់១ ម្នាក់ឯង
ចែករំលែកព័តមាននេះ