ថាមិច…! ពាន The Best FIFA Men’s Player មិនសូវមានតម្លៃព្រោះគ្មាន Messi?
តាមប្រភពព័ត៌មាន Soccer Laduma បានឲ្យដឹងថា កីឡាករប្រេស៊ីល Filipe Luis ដែលធ្លាប់ឡើងប្រកួតប្រជែងលើតារាងជាមួយនឹងកីឡាករអាហ្សង់ទីន Lionel Messi…
តាមប្រភពព័ត៌មាន Soccer Laduma បានឲ្យដឹងថា កីឡាករប្រេស៊ីល Filipe Luis ដែលធ្លាប់ឡើងប្រកួតប្រជែងលើតារាងជាមួយនឹងកីឡាករអាហ្សង់ទីន Lionel Messi…
តាមប្រភពព័ត៌មាន Soccer Laduma បានឲ្យដឹងថា កីឡាករប្រេស៊ីល Filipe Luis ដែលធ្លាប់ឡើងប្រកួតប្រជែងលើតារាងជាមួយនឹងកីឡាករអាហ្សង់ទីន Lionel Messi ជាច្រើនលើកច្រើនសារ បានវាយប្រហារមកលើពាន The Best Men’s Player 2018 ថាមិនសូវមានតម្លៃដោយសារតែ Messi បានធ្លាក់ចេញពីកីឡាករបីនាក់ចុងក្រោយ ។
នៅដើមសប្តាហ៍នេះ Cristiano Ronaldo, Mohamed Salah និង Luka Modric ត្រូវបានរើសជាកីឡាករបីនាក់ចុងក្រោយក្នុងការយកពាន FIFA’s Best Men’s Player សម្រាប់រដូវកាល 2017/18 ។
កីឡាកររបស់ Atletico Madrid និងជាកីឡាករជម្រើសជាតិក្រុមប្រេស៊ីល Filipe Luis បានលើកឡើងថា បើទោះបីជា Messi គ្មានឈ្មោះត្រៀមទៅយកពានកីឡាករបុរសខ្លាំងផ្តាច់គេក្តី ក៏នៅតែជាកីឡាករខ្លាំងជាងគេដែរ ។
តាមព័ត៌មាន ESPN កីឡាករប្រេស៊ីលម្នាក់នេះប្រាប់ថា ៖«ពាន FIFA’s The Best គឺសម្រាប់កីឡាករខ្លាំងផ្តាច់គេលើលោក ។ សម្រាប់ខ្ញុំ កីឡាករខ្លាំងផ្តាច់គេគឺ Lionel Messi ។ នៅថ្ងៃនេះឆ្នាំមុន ពីរឆ្នាំមុន បីឆ្នាំមុន តាំងពីពេល Messi មិនបានពាននេះ គឺតម្លៃរបស់វាបានធ្លាក់ខ្លះហើយ» ។
Luis បានបន្តថា ៖«បើទោះបីជាកីឡាករណាឈ្នះ Champions League ឬ ឈ្នះដល់វគ្គចុងក្រោយក្តី ក៏ខ្ញុំនៅតែគិតថា Messi គឺខ្លាំងផ្តាច់គេដដែល ។ រូបគេនៅតែរក្សាតំណែងនេះជាច្រើនឆ្នាំមកហើយ ។ ពិតណាស់ Neymar អាចនឹងក្លាយទៅជាបែបនេះនៅថ្ងៃខាងមុខ Mohamed Salah សមនឹងបានដល់បីនាក់ចុងក្រោយ Cristiano Ronaldo ក៏សមដែរ តែ Lionel Messi ពេលនេះនៅតែជាកីឡាករខ្លាំងផ្តាច់គេដដែល» ។
គួរបញ្ជាក់ផងដែរថា មហាជនមួយចំនួនគិតថា Messi មិនត្រឹមតែគួរនៅបីនាក់ចុងក្រោយនេះទេ តែរូបគេគួរតែជាអ្នកលើកពាន ព្រោះបានស៊ុតបញ្ចូលទី៤៥គ្រាប់ និង Assist បាន១៨ដង សម្រាប់ក្លិបអ្នកមានបុណ្យ Barcelona កាលពីរដូវកាលមុន ៕
ចែករំលែកព័តមាននេះ