ប្រពន្ធ​ចុះពីលើផ្ទះ​រត់រកអ្នកជិត​ខាង​ឱ្យ​ជួយ​ដែរ តែ​មិនទាន់


ខេត្តព្រះវិហារ ៖ បុរស​ម្នាក់​ផឹក​ស្រវឹង រួច​បែកគំនិត​យក​ក្បាល​គ្រាប់​ប្រភេទ​បេ​សែសិប មក​កែ​ច្នៃ បណ្តាល​អោយ​ផ្ទុះ​រង​របួសធ្ងន់ ។ ហេតុការណ៍​ផ្ទុះ​នេះ​បាន​កើតឡើង​កាលពី​វេលា​ម៉ោង​ប្រមាណ​ជាង​១​រសៀល​ថ្ងៃ​ទី​៦ ខែកញ្ញា ឆ្នាំ​២០១៨ ត្រង់​ចំណុច​ក្រោមផ្ទះ​បុរស​រង​គ្រោះ ស្ថិត​ក្នុងភូមិ​ទឹក​ក្រហម ឃុំ​ទឹក​ក្រហម ស្រុក​ជាំ​ក្សាន្ត ខេត្ត​ព្រ​វិហារ​។

ជន​រង​គ្រោះ​ខាងលើ​ឈ្មោះ លេង បូ​ណា ភេទ​ប្រុស អាយុ​៤៨​ឆ្នាំ នៅ​ភូមិ​ទឹក​ក្រហម ឃុំ​ទឹក​ក្រហម ស្រុក​ជាំ​ក្សាន្ត ខេត្តព្រះវិហារ បាន​រង​របួសធ្ងន់​។

តាម​ការ​បញ្ជាក់​ពី​លោក​មេឃុំ​ទឹក​ក្រហម​បានឱ្យ​ដឹង​ថា នៅ​មុន​ពេល​កើតហេតុ បុរស​រង​គ្រោះ ខាងលើ​បាន​យក​ក្បាល​គ្រាប់​ដែល​ខ្លួន​រើស​បាន​នា​ពេល​កន្លង​មក យក​មក​កែ​ច្នៃ​នៅ​ក្រោមផ្ទះ​របស់​ខ្លួន​ទាំង​ស្ថានភាព​កំពុង​ស្រវឹង​ផង មិនតែប៉ុណ្ណោះ​បាន​ហៅ​ប្រពន្ធ​ឲ្យ​មក​អង្គុយ​មើល​ថែម​ទៀត ប៉ុន្តែ​ប្រពន្ធ​ឃើញ​ហេតុការណ៍​មិន​ស្រួល ក៍​ចុះពីលើផ្ទះរ​ត់ទៅ​រកអ្នក​ជិតខាង​មក​ជួយ​ហាមឃាត់​ដែរ តែ​មិន​ទាន់ ព្រោះថា​បុរស​រង​គ្រោះ​បាន​ធ្វើ​ឲ្យ​គ្រាប់​នោះ​ផ្ទុះ បណ្តាល​ឱ្យ​រង​របួសធ្ងន់​បាត់​ទៅ​ហើយ ។

លោក​មេឃុំ​បញ្ជាក់​ថា កន្លង​មក​បុរស​រង​គ្រោះ​ខាងលើ​នេះ​តែងតែ​រករឿង​ឈ្លោះប្រកែក​ក្នុង​គ្រួសារ ថែម​ទាំង​យក​គ្រាប់​ចាស់​ៗ​ដែល​រើស​បាន​យក​មក​គប់​ប្រពន្ធ​រត់​ពេញ​ផ្ទះ តែ​គ្រាប់​មិន​បាន​ផ្ទុះ និង​ប្រើ​អំពើ​ហិង្សា​ធ្វើ​អោយ​ខូចខាត​ទ្រព្យសម្បត្តិ​ក្នុងផ្ទះ​អស់​មួយ​ចំនួន​ថែម​ទៀត រហូត​ដល់​កម្លាំង​អាជ្ញាធរ និង​សមត្ថកិច្ច​បាន​ដកហូត​គ្រាប់​ចាស់​ៗ​ចំនួន​៣​គ្រាប់​រួច​មក​ហើយ ពី​បុរស​រង​គ្រោះ​ខាងលើ និង​ឃាត់ខ្លួន​បញ្ជូន​ទៅ​ធ្វើ​កិច្ចសន្យា​នៅ​អធិការ​រ​ដ្ឋា​ន​នគរបាល​ស្រុក​រួច​ម្តង​ហើយ តាម​បណ្តឹង​របស់​ប្រពន្ធ តែ​បុរស​រូប​នេះ​នៅ​តែ​មិន​រាងចាល​ឡើយ ។

សូម​បញ្ជាក់​ថា ​ដោយសារតែ​​ស្ថានភាព​ធ្ងន់ធ្ងរ ​បុរស​រង​គ្រោះ​ត្រូវ​បាន​ក្រុម​គ្រូពេទ្យ​មន្ទី​រ​ពេទ្យ​បង្អែក​ស្រុក​ជាំ​ក្សាន្ត​​បញ្ជូន​ទៅ​កាន់​មន្ទី​ពេទ្យ​បង្អែក​១៦​មក​រា ខេត្តព្រះវិហារ ដើម្បី​ជួយ​សង្គ្រោះ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ