តាមប្រភពព័ត៌មាន Soccer Laduma បានឲ្យដឹងថា កីឡាករជើងខ្លាំងប្រចាំក្លិបអ្នកមានបុណ្យ Lionel Messi ត្រូវបានអ្នកគាំទ្រម្នាក់ស្រែកជេរនៅព្រលានយន្តហោះ កាលពីចុងសប្តាហ៍កន្លងមកនេះ ខណៈពេលដែលរូបគេត្រឡប់មកផ្ទះវិញពីការប្រកួត LaLiga ។
ព័ត៌មាន Telemundo Deportes បានលើកឡើងថា Messi បានមើលរំលងស្ត្រីម្នាក់ដែលជាអ្នកគាំទ្រនៅព្រលានយន្តហោះ Barcelona ដោយសារតែនាងសុំឲ្យរូបគេចុះហត្ថលេខាលើអាវរបស់ក្លិប Rosario Central ។
Messi មិនបានឆ្លើយតបនឹងការស្នើសុំរបស់ស្ត្រីម្នាក់នោះឡើយនេះប្រហែលមកពីក្លិប Rosario Central គឺជាគូរប្រជែងជាមួយនឹងក្លិប Newell’s Old Boys ដែលជាក្លិបរបស់ Messi កាលពីកុមារភាព ។
ដោយសារតែ Messi មិនខ្វល់នឹងសំណើររបស់នាង នាងក៏ស្រែកជេរ Messi ថា៖ «pecho frio»ដែលមានន័យថា៖ «អាឈាមត្រជាក់» ។ សម្រាប់អ្នកគាំទ្រជនជាតិអាមេរិកខាងត្បូងមួយចំនួនប្រើពាក្យបែបនេះសម្រាប់កីឡាករណាដែលមិនលេងឲ្យអស់ពីសមត្ថភាពសម្រាប់ប្រទេសខ្លួន ៕
ចែករំលែកព័តមាននេះ