មួកធ្វើពីរោមដំរីបុរាណ គ្រាន់តែឮតម្លៃក៏ញាក់សាច់ដែរ
លោកវ្លាឌីមៀរ៍ អាំម៉ូសូវ (Vladimir Ammosov) ជនជាតិរុស្ស៊ី នៅក្រុងយ៉ាគុត (Yakutsk) ប្រកាសលក់មួកធ្វើពីរោមដំរី «mammoth» ជាសត្វបុរាណធ្លាប់មាននៅតំបន់ស៊ីបេរី…
លោកវ្លាឌីមៀរ៍ អាំម៉ូសូវ (Vladimir Ammosov) ជនជាតិរុស្ស៊ី នៅក្រុងយ៉ាគុត (Yakutsk) ប្រកាសលក់មួកធ្វើពីរោមដំរី «mammoth» ជាសត្វបុរាណធ្លាប់មាននៅតំបន់ស៊ីបេរី ជាច្រើនម៉ឺនឆ្នាំមុន ។
លោកវ្លាឌីមៀរ៍ អាំម៉ូសូវ បានអះអាងថា មិត្តរបស់លោកជាអ្នកយករោមដំរីមកឲ្យ ខណៈពេលគេទៅទេសចរណ៍នៅ «Ust-Yanskiy» ភាគខាងកើតឆៀងងខាងជើងប្រទេសរុស្ស៊ី កាលពីពេលថ្មីៗកន្លងមក ហើយក៏សម្រេចចិត្តយករោមដំរីមេមម៉ត (mammoth ) មកធ្វើជាមួក ។
ទោះបីជាមួកនោះពិបាកពាក់ដោយសារមានស្នាមមុតក៏ដោយ ប៉ុន្តែលោកអាំម៉ូសូវមានសង្ឃឹមថា គេអាចរកអ្នកទិញមួកបាន ដោយលក់ក្នុងតម្លៃ១០.០០០ដុល្លារ ។
តាមទិន្នន័យនាយកដ្ឋានវិទ្យាសាស្ត្រ «Permafrost» របស់រុស្ស៊ី បញ្ជាក់ថា តំបន់នៅក្រុងយ៉ាគុត និងយ៉ាគូទីយ៉ា (Yakutia) ក្នុងស៊ីបេរី គឺជាកន្លែងប្រទះឃើញគ្រោងឆ្អឹង និងបំណែកផ្សេងៗរបស់ដំរីមេមម៉តដល់ទៅ៨០ភាគរយ បើប្រៀបធៀបទៅលើតំបន់ផ្សេងទៀតនៅលើពិភពលោក ៕
ចែករំលែកព័តមាននេះ