កាសែតថៃផ្សាយថា កាលពីវេលាម៉ោង១ និង១៥នាទីរំលងអធ្រាត្រ ឈានចូលថ្ងៃទី២៥ មេសា ប៉ូលិសប្រចាំនៅទីក្រុងបួយ៉ៃ ខេត្តណាខនរាជសីមា ទទួលព័ត៌មានថា មានឧបទ្ទវហេតុរថយន្តធុនតូចមួយគ្រឿងបាត់ជំហរធ្លាក់ផ្លូវ បុកមាត់លូស្លា.ប់មនុស្ស៤នាក់ នៅផ្លូវលេខ២០២ ចន្លោះស្រុកបួយ៉ៃ-ឆាយ៉ាភូមិ ។
កាសែតថៃផ្សាយថា កាលពីវេលាម៉ោង១ និង១៥នាទីរំលងអធ្រាត្រ ឈានចូលថ្ងៃទី២៥ មេសា ប៉ូលិសប្រចាំនៅទីក្រុងបួយ៉ៃ ខេត្តណាខនរាជសីមា ទទួលព័ត៌មានថា មានឧបទ្ទវហេតុរថយន្តធុនតូចមួយគ្រឿងបាត់ជំហរធ្លាក់ផ្លូវ បុកមាត់លូស្លាប់មនុស្ស៤នាក់ នៅផ្លូវលេខ២០២ ចន្លោះស្រុកបួយ៉ៃ-ឆាយ៉ាភូមិ ។
ក្រោយពេលទទួលដំណឹង សមត្ថកិច្ចឆ្ពោះទៅចំណុចកើតហេតុ ប្រទះឃើញរថយន្តម៉ាកហុងដា ពណ៌ខ្មៅ ពាក់ស្លាកលេខ ក្រុងបាងកក ធ្លាក់ផ្លូវជ្រុលបុកមាត់លូបង្ហូរទឹកនៅក្បែរផ្លូវ ដោយផ្នែកខាងមុខរថយន្តខូចខាតទាំងស្រុង នៅចំណុចគីឡូម៉ែត្រលេខ៥០ ផ្លូវលេខ២០២ ស្ថិតក្នុងស្រុកបួយ៉ៃ និងប្រទះឃើញមានអ្នកស្លាប់ចំនួន៤នាក់ ។
តាមការស៊ើបអង្កេតរបស់ប៉ូលិសបានឱ្យដឹងថា ជនរងគ្រោះដល់ជីវិតទាំង៤នាក់ជិះក្នុងរថយន្តខាងលើ ចេញដំណើរពីភូមិដុនខុនដា ឃុំឃុនថង ឆ្ពោះទៅស្រុកបួយ៉ៃ តាមបណ្តោយផ្លូវលេខ២០២ ។ នៅពេលដល់ចំណុចកើតហេតុ ស្ថិតនៅបរិវេណខាងមុខសាលាបឋមសិក្សាមួយកន្លែង រថយន្តក៏រេចង្កូតធ្លាក់ផ្លូវទៅបុកមាត់លូបង្ហូរទឹកនៅក្បែរនោះ បណ្តាលឱ្យមនុស្សជិះក្នុងរថយន្តស្លាប់ទាំងអស់គ្នា ។
ស្របពេលជាមួយគ្នានេះ ប៉ូលិសបានធ្វើការសន្និដ្ឋានថា មូលហេតុនៃការកើតឧបទ្ទវហេតុអាចបណ្តាលមកពីភ្លៀងធ្លាក់ខ្លាំង ធ្វើឱ្យផ្លូវរអិល ស្របគ្នា នឹងអ្នកបើកបររថយន្តដោយល្បឿនលឿនជាន់ហ្វ្រាំងមិនជាប់ ទើបធ្វើឱ្យរថយន្តរេចង្កូតរអិលធ្លាក់ផ្លូវ ទៅបុកជាប់ជាមួយមាត់លូបង្ហូរទឹក បណ្តាលឱ្យមនុស្សដែលជិះក្នុងរថយន្តស្លាប់ទាំងអស់ ៕
ចែករំលែកព័តមាននេះ