ខេត្តស្ទឹងត្រែង ៖ ទឹកទន្លេក្នុងខេត្តស្ទឹងត្រែងនៅមិនទាន់បានថយចុះក្រោមកម្រិតប្រកាសឲ្យប្រុងប្រយ័ត្ននោះទេ ហើយមានផ្លូវជាច្រើនខ្សែក្នុងក្រុងកំពុងរង់ការជន់លិច និងកាត់ផ្តាច់ការធ្វើដំណើររបស់ប្រជាពលរដ្ឋ ចូលទៅកាន់លំនៅដ្ឋាន ។ ដោយនៅព្រឹកថ្ងៃ២៣ សីហា២០១៨ នេះ…
ខេត្តស្ទឹងត្រែង ៖ ទឹកទន្លេក្នុងខេត្តស្ទឹងត្រែងនៅមិនទាន់បានថយចុះក្រោមកម្រិតប្រកាសឲ្យប្រុងប្រយ័ត្ននោះទេ ហើយមានផ្លូវជាច្រើនខ្សែក្នុងក្រុងកំពុងរង់ការជន់លិច និងកាត់ផ្តាច់ការធ្វើដំណើររបស់ប្រជាពលរដ្ឋ ចូលទៅកាន់លំនៅដ្ឋាន ។
ដោយនៅព្រឹកថ្ងៃ២៣ សីហា២០១៨ នេះ ស្ថានីយជលសាស្ត្រខេត្តស្ទឹងត្រែងបានបង្ហាញថា ទន្លេមេគង្គទឹកមានកម្ពស់ ១០.៧៨ម៉ែត្រ ខុសពីល្ងាចថ្ងៃម្សិលទឹកមានកម្ពស់១០.៨៥ម៉ែត្រ ព្រឹកថ្ងៃនេះទឹកស្រកចុះ៧សង់ទីម៉ែត្រ ខណៈកម្ពស់ទឹក១០.៧០ម៉ែត្រ ជាកម្ពស់ដែលត្រូវប្រកាសអាសន្ន ។
ចំណែកទន្លេសេសានទឹកមានកម្ពស់៩.៥៧ម៉ែត្រ ខុសពីល្ងាចថ្ងៃម្សិលមិញទឹកមានកម្ពស់១០.១៥ម៉ែត្រ ស្រកចុះ០.៥៨ម៉ែត្រ ខណៈទឹកមានកម្ពស់១០.៥០ម៉ែត្រ ជាកម្ពស់ដែលត្រូវប្រកាសឲ្យប្រុងប្រយ័ត្ន ។ ទន្លេសេកុងទឹកមានកម្ពស់១១.១០ម៉ែត្រ ខុសពីល្ងាចម្សិលមិញទឹក ស្ថិតក្នុងកម្ពស់១១.៣៦ម៉ែត្រ ឃើញថា ទឹកបន្តស្រកចុះ២៦សង់ទីម៉ែត្រ ខណៈទឹកស្ថិតកម្ពស់១១.៥០ម៉ែត្រ គឺជាកម្ពស់ដែលត្រូវប្រកាសដាក់ក្នុងភាពអាសន្ន ។
ដូច្នេះទន្លេទាំង៣ នៅក្នុងខេត្តស្ទឹងត្រែងឃើញថា កម្ពស់ទឹកនៅតែស្ថិតក្នុងកម្រិតខ្ពស់ លើសពីកម្ពស់ប្រកាសអាសន្នដដែល សូមបងប្អូនពុកម៉ែ មីងមាទាំងអស់ ជាពិសេសពលរដ្ឋដែលមានលំនៅដ្ឋាននៅប្របនឹងដងទន្លេត្រូវតែប្រុងប្រយ័ត្នឲ្យបានជាប្រចាំ ដើម្បីបញ្ជៀសបានពីការកើតឡើងនូវគ្រោះថ្នាក់ជាយថាហេតុផ្សេងៗ ៕
ចែករំលែកព័តមាននេះ