ខេត្តកណ្តាល ៖ នៅល្ងាចថ្ងៃទី១៨ សីហា ២០១៨ លោក ផូង វណ្ណ ចៅក្រមស៊ើបសួរសាលាដំបូងខេត្តកណ្តាលបានសម្រេចចេញដីកាឃុំខ្លួនជនសង្ស័យ០៧នាក់ ដែលនគរបាលចំនួនបីស្រុកធ្វើការបង្ក្រាបបានដោយឡែកៗពីគ្នានោះ…
ខេត្តកណ្តាល ៖ នៅល្ងាចថ្ងៃទី១៨ សីហា ២០១៨ លោក ផូង វណ្ណ ចៅក្រមស៊ើបសួរសាលាដំបូងខេត្តកណ្តាលបានសម្រេចចេញដីកាឃុំខ្លួនជនសង្ស័យ០៧នាក់ ដែលនគរបាលចំនួនបីស្រុកធ្វើការបង្ក្រាបបានដោយឡែកៗពីគ្នានោះ ដាក់ពន្ធនាគារបណ្តោះអាសន្នពីបទ«ជួញដូរដោយខុសច្បាប់នូវសារធាតុញៀន» ដែលប្រព្រឹត្តនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល និងសៀមរាប ឃុំសៀមរាប ស្រុកកណ្ដាលស្ទឹង ខេត្តកណ្តាល និងភូមិកំពង់ចំលង ឃុំកំពង់ចំលង ស្រុកខ្សាច់កណ្តាល ខេត្តកណ្តាល កាលពីថ្ងៃទី១៧ សីហា ២០១៨ តាមមាត្រា៤០ ច្បាប់ស្តីពីការត្រួតពិនិត្យគ្រឿងញៀន ។
ជនត្រូវចោទទី០១ – ឈ្មោះ សុន សាន់ ហៅក្រៅអាក្របី ភេទប្រុស អាយុ១៣ឆ្នាំ មុខរបរមិនពិតប្រាកដ ស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទីលំនៅបច្ចុប្បន្ននៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទី០២ – ឈ្មោះ ខឿន ប្រុស ហៅក្រៅប្រុស ភេទប្រុស អាយុ២១ឆ្នាំ មុខរបរមិនពិតប្រាក ស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។ ទីលំនៅបច្ចុប្បន្នភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទី០៣ – ឈ្មោះ សុន សាន្ត ហៅក្រៅសាន្ត ភេទប្រុស អាយុ១៥ឆ្នាំ មុខរបរមិនពិតប្រាកដ ស្រុកកំណើត នៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ទីលំនៅបច្ចុប្បន្ននៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល
ទី០៤- ឈ្មោះ ធី កុសល ហៅក្រៅង៉ោ ភេទប្រុស អាយុ១៨ឆ្នាំ មុខរបរមិនពិតប្រាកដ ស្រុកកំណើតនៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។ ទីលំនៅបច្ចុប្បន្ននៅភូមិលេខ១ ឃុំស្វាយរលំ ស្រុកស្អាង ខេត្តកណ្តាល ។ ទី០៥-ឈ្មោះ ញឹម វណ្ណៈ ហៅវឹង ភេទប្រុស អាយុ២៨ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅភូមិសៀមរាប ឃុំសៀមរាប ស្រុកកណ្ដាលស្ទឹង ខេត្តកណ្ដាល ទី០៦- ឈ្មោះ យន់ គឹមស្រ៊ុន ហៅធន់ ភេទប្រុស អាយុ២៧ឆ្នាំ មុខរបរលក់ថ្នាំញៀន ជនជាតិខ្មែរ មានទីលំនៅភូមិបទសន្ទ្រា ឃុំកំពង់អំពិល ស្រុកពារាំង ខេត្តព្រៃវែង ទី០៧- ឈ្មោះ វ៉ាន់ នីដា ហៅបារាំង ភេទស្រី អាយុ២២ឆ្នាំ មុខរបរនៅផ្ទះ ជនជាតិខ្មែរ មានទីលំនៅភូមិបទបន្ទ្រា ឃុំកំពង់អំពិល ស្រុកពារាំង ខេត្តព្រៃវែង ។
វត្ថុតាងចាប់យកបានរួមមានថ្នាំញៀន៣១កញ្ចប់ កាំភ្លើងមួយដើម ម៉ូតូមួយគ្រឿង និងឧបករណ៍ប្រើប្រាស់ វេចខ្ចប់មួយចំនួនទៀត ។ នគរបាលបានបញ្ជាក់ឲ្យដឹងថា នៅថ្ងៃខែឆ្នាំវេលាម៉ោងកើតហេតុខាងលើ កម្លាំងសមត្ថកិច្ចដោយមានការរាយការណ៍ពីមហាជនល្អថា គេកំពុងលក់ថ្នាំញៀន ហើយកម្លាំងសមត្ថកិច្ចក៏បានចុះទៅឆែកឆេរ និងឃាត់ខ្លួនជនសង្ស័យនៅចំពោះមុខសមត្ថកិច្ចនគរបាលជនសង្ស័យឈ្មោះទាំងអស់ខាងលើនោះបានឆ្លើយថា ថ្នាំញៀននេះខ្លួនពិតជាបានទិញពីអ្នកផ្សេងយកមកលក់បន្ត ៕
ចែករំលែកព័តមាននេះ