ប្រទេសវេណេស៊ុយអេឡា ៖ លោកតារេក វីលៀមសាអាប អគ្គរដ្ឋអាជ្ញាវេណេស៊ុយអេឡា បានថ្លែងកាលពីថ្ងៃទី១៤ សីហានៅទីក្រុងការ៉ាកាស់ថា ឧត្ដមសេនីយ៍ម្នាក់ស្ថិតក្នុងចំណោមមនុស្សត្រូវចាប់ខ្លួន បញ្ជូនទៅតុលាការពីបទចោទប្រកាន់ចូលរួមក្នុងការវាយប្រហារ ភេរវកម្មប្រឆាំងប្រធានាធិបតីលោកនីកូឡាស់ម៉ាឌូរ៉ូ។…
ប្រទេសវេណេស៊ុយអេឡា ៖ លោកតារេក វីលៀមសាអាប អគ្គរដ្ឋអាជ្ញាវេណេស៊ុយអេឡា បានថ្លែងកាលពីថ្ងៃទី១៤ សីហានៅទីក្រុងការ៉ាកាស់ថា ឧត្ដមសេនីយ៍ម្នាក់ស្ថិតក្នុងចំណោមមនុស្សត្រូវចាប់ខ្លួន បញ្ជូនទៅតុលាការពីបទចោទប្រកាន់ចូលរួមក្នុងការវាយប្រហារ ភេរវកម្មប្រឆាំងប្រធានាធិបតីលោកនីកូឡាស់ម៉ាឌូរ៉ូ។
កាលពីថ្ងៃទី១៣ សីហា វរសេនីយ៍ឯក PEDRO JAVIER ZAMBRANO HERNANDEZ និងឧត្ដមសេនីយ៍ ALEJANDRO PEREZ GAMEZ ត្រូវនាំទៅបង្ហាញខ្លូនចំពោះមុខចៅក្រម។
យោងតាមអាជ្ញាធរថា សម្រាប់ពេលនេះមនុស្ស១៤នាក់ត្រូវបានចាប់ខ្លួនចាប់តាំងពីថ្ងៃទី៤ សីហា ជាថ្ងៃវាយប្រហារប្រើ DRONES ភ្ជាប់គ្រឿងផ្ទុះសំដៅប្រឆាំងប្រធានាធិបតីនាឱកាសនៃក្បួនព្យុហៈយាត្រាយោធាមួយនាទីក្រុងការ៉ាកាស់។
យោងតាមអគ្គរដ្ឋអាជ្ញារូបនេះថា មនុស្សសរុប៣៤នាក់សង្ស័យចូលរួមក្នុងរឿងនេះ។
ក្រៅពីនាយទាហានជាន់ខ្ពស់ទាំង២រូបនេះ សមាជិកសភាប្រឆាំងម្នាក់លោក JUAN REQUESENS ក៏ត្រូវចាប់ខ្លួនដែរ កាលពីសប្ដាហ៍មុនពីបទចូលរួមក្នុងការវាយប្រហារភេរវកម្មនេះ។ ដីកាចាប់ខ្លួនក៏ចេញដែរ ប្រឆាំងអតីតប្រធានសភាលោក JULIO BORGES ជាអ្នកប្រឆាំងដ៏សកម្មម្នាក់ចំពោះប្រធានាធិបតី បច្ចុប្បន្នកំពុងរស់នៅនិរទេសក្នុងប្រទេសកូឡុំប៊ី៕
ចែករំលែកព័តមាននេះ