កោះតៃវ៉ាន់ ៖ បើតាមផ្នែកពន្លត់ភ្លើងបានរាយការណ៍ឱ្យដឹងថា មនុស្ស៩នាក់ស្លាប់ និង១៥នាក់ទៀតរងរបួស កាលពីព្រឹកថ្ងៃទី១៣ ខែសីហា ឆ្នាំ២០១៨ ដោយសារភ្លើងឆាបឆេះក្នុងមន្ទីរពេទ្យមួយនៃក្រុងតៃប៉ិ ត្រង់ផ្នែកទទួលអ្នកជំងឺ…
កោះតៃវ៉ាន់ ៖ បើតាមផ្នែកពន្លត់ភ្លើងបានរាយការណ៍ឱ្យដឹងថា មនុស្ស៩នាក់ស្លាប់ និង១៥នាក់ទៀតរងរបួស កាលពីព្រឹកថ្ងៃទី១៣ ខែសីហា ឆ្នាំ២០១៨ ដោយសារភ្លើងឆាបឆេះក្នុងមន្ទីរពេទ្យមួយនៃក្រុងតៃប៉ិ ត្រង់ផ្នែកទទួលអ្នកជំងឺ ស្ថិតក្នុងដំណាក់កាលចុងក្រោយ។
មនុស្ស៣៦នាក់ ស្ថិតក្នុងផ្នែកនេះនាជាន់ទី៧ របស់មន្ទីរពេទ្យ NEW TAIPEI ត្រូវបានជម្លៀសចេញ ហើយក្នុងចំណោមអ្នកទាំងនេះ១៦នាក់ភ័យគាំងបេះដូង តែ៧នាក់អាចជួយឲ្យដឹងខ្លួនវិញ។
បើតាមបណ្ដារូបភាពវីដេអូផ្សាយដោយសារព័ត៌មានក្នុងស្រុកបានបង្ហាញបណ្ដានិយោជិតប្រញាប់ប្រញាល់នាំអ្នកជំងឺចេញ ខ្លះត្រូវបី ខ្លះទៀតរុញចេញជិះលើកៅអីមានកង់។ រីឯអ្នករបួស១១នាក់ស្ថិតក្នុងសភាពធ្ងន់ធ្ងរ។
នាយករដ្ឋមន្ត្រីតៃវ៉ាន់លោក WILLIAM LAI ថ្លែងថា យើងនឹងកំណត់មូលហេតុនៃគ្រោះថ្នាក់នោះ ដើម្បីរារាំងកុំឲ្យគ្រោះថ្នាក់បែបនោះកើតមានជាថ្មីទៀត៕ វីដេអូដកស្រង់ចេញពី ៖ euronews (en français)
ចែករំលែកព័តមាននេះ