ទីក្រុងហាណូយ ៖ អគ្គិសនីដែលផ្គត់ផ្គង់ពីប្រទេសវៀតណាមបានជួយសម្រួលដល់ការអភិវឌ្ឍសេដ្ឋកិច្ចប្រទេសឡាវ និងបង្កើនស្តង់ដារស់នៅរបស់ប្រជាពលរដ្ឋនៅតាមព្រំដែន ។ នេះបើតាមប្រសាសន៍របស់លោក Vilaphorn Visounnarath ជំនួយការនាយក Director…
ទីក្រុងហាណូយ ៖ អគ្គិសនីដែលផ្គត់ផ្គង់ពីប្រទេសវៀតណាមបានជួយសម្រួលដល់ការអភិវឌ្ឍសេដ្ឋកិច្ចប្រទេសឡាវ និងបង្កើនស្តង់ដារស់នៅរបស់ប្រជាពលរដ្ឋនៅតាមព្រំដែន ។ នេះបើតាមប្រសាសន៍របស់លោក Vilaphorn Visounnarath ជំនួយការនាយក Director of the Electricity Corporation of Laos (Electricite Du Laos – EDL) នៅសនិ្នសីទកាសែតមួយក្នុងខេត្ត Quang Tri ប្រទេសវៀតណាម ។
កាលពីថ្ងៃទី៤ ខែសីហា ឆ្នាំ១៩៩៨ ក្រុមហ៊ុន Vietnam Electricity’s Central Power Corporation (EVNCPC) និង EDL បានចុះកិច្ចព្រមព្រៀងផ្គត់ផ្គង់អគ្គិសនីសម្រាប់ខេត្ត Savannakhet របស់ប្រទេសឡាវ ដែលមានព្រំប្រទល់ជាប់នឹងខេត្ត Quang Tri (ប្រទេសវៀតណាម) ។ កិច្ចព្រមព្រៀងនេះ គឺជាការចាប់ផ្តើមនៃទំនាក់ទំនងពាណិជ្ជកម្មឆ្លងព្រំដែនរវាងប្រទេសទាំងពីរផងដែរ ។
កិច្ចព្រមព្រៀងទី២រវាងភាគីទាំងពីរត្រូវបានចុះហត្ថលេខានៅឆ្នាំ២០០៣ ដើម្បីផ្គត់ផ្គង់អគ្គិសនីដល់សង្កាត់ Samouay ខេត្ត Salavan របស់ប្រទេសឡាវ ដែលជាប់ព្រំប្រទល់ជាមួយខេត្តចំនួន២របស់វៀតណាមទៀតផង ។
ចាប់តាំងពីឆ្នាំ២០០៩ ដល់ឆ្នាំ២០១៥ សង្កាត់ Dak Cheung និង Kaleum ក្នុងខេត្ត Se Kong និង Phouvong ក្នុងខេត្ត Attapeu ចាប់ផ្តើមមានអគ្គិសនីប្រើប្រាស់ពីប្រទេសវៀតណាម ។
ក្នុងរយៈពេល២០ឆ្នាំមកនេះ EVNCPC បានខិតខំជាបន្តបន្ទាប់ក្នុងការពង្រីក និងបង្កើនសមត្ថភាព ដើម្បីផ្គត់ផ្គង់តម្រូវការអគ្គិសនីដែលកំពុងតែកើនឡើងនៅប្រទេសឡាវ ។
លោក Pham Sy Hung អនុប្រធាន EVNCPC បាននិយាយថា ៖« សន្និសីទនេះមានគោលដៅត្រួតពិនិត្យការធ្វើពាណិជ្ជកម្មអគ្គិសនីរវាងប្រទេសទាំងពីរឡើងវិញ និងផ្តល់ឱកាសមួយសម្រាប់ភាគីទាំងសងខាងផ្លាស់ប្តូរបទពិសោធន៍ និងសិក្សាពីបច្ចេកវិទ្យាទំនើបថ្មីៗ ដើម្បីធ្វើឲ្យការគ្រប់គ្រងផលិតកម្ម និងការធ្វើពាណិជ្ជកម្មអគ្គិសនីកាន់តែល្អប្រសើរឡើង » ៕
ចែករំលែកព័តមាននេះ