ADផ្ទាំងផ្សព្វផ្សាយពាណិជ្ជកម្ម

Picture

ទៅ​បត់ជើងតូច បែរជា​ប្រទះ​ឃើញ…​ក្នុង​គុ​ម្ពោ​ធ​ព្រៃ​នាំ​គ្នា​ភ្ញាក់ផ្អើល(មានវីដេអូ)

5 ឆ្នាំ មុន
  • ភ្នំពេញ

រាជធានី​ភ្នំពេញ ៖ ជន​មិន​ស្គាល់​មុខ​បាន​យក​ម៉ូតូ​មួយ​គ្រឿង​ទៅ​លាក់​ទុក​នៅ​ក្នុង​គុ​ម្ពោ​ធ​ព្រៃ​មួយ​កន្លែង​ស្ថិត​នៅ​ក្នុង​ដី​ឡូ​ត៍ភូមិ​ព្រៃ​កី​«​ខ​»​សង្កាត់ ពងទឹក ខណ្ឌដង្កោ រាជធានី​ភ្នំពេញ ដោយ​កាច់​មែក​សង្កែ និង​បោចស្មៅ​គ្រប​ពីលើ​ច្រើន​ថ្ងៃ​មក​ហើយ ។ រហូត​មក​ដល់​វេលា​ម៉ោង​១០​ព្រឹក​ថ្ងៃ​ទី​៥…

រាជធានី​ភ្នំពេញ ៖ ជន​មិន​ស្គាល់​មុខ​បាន​យក​ម៉ូតូ​មួយ​គ្រឿង​ទៅ​លាក់​ទុក​នៅ​ក្នុង​គុ​ម្ពោ​ធ​ព្រៃ​មួយ​កន្លែង​ស្ថិត​នៅ​ក្នុង​ដី​ឡូ​ត៍ភូមិ​ព្រៃ​កី​«​ខ​»​សង្កាត់ ពងទឹក ខណ្ឌដង្កោ រាជធានី​ភ្នំពេញ ដោយ​កាច់​មែក​សង្កែ និង​បោចស្មៅ​គ្រប​ពីលើ​ច្រើន​ថ្ងៃ​មក​ហើយ ។ រហូត​មក​ដល់​វេលា​ម៉ោង​១០​ព្រឹក​ថ្ងៃ​ទី​៥ ខែសីហា ឆ្នាំ​២០១៨ ត្រូវ​បាន​អ្នក​រត់​ម៉ូតូឌុប​ប្រទះ​ឃើញ​ ទើបរាយការណ៍​ជូន​នគរបាល​ដើម្បី​​ចុះ​ទៅ​ពិនិត្យ​មើល​ និង​នាំ​យក​ទៅ​រក្សា​ទុក​រង់ចាំ​ការ​ស្រាវជ្រាវ​បន្ត​ស្វែងរក​ម្ចាស់​ម៉ូតូ​នេះ​។

នគរបាល​បាន​និយាយ​ថា ម៉ូតូ​មួយ​គ្រឿង​ខាងលើ​នោះ​ម៉ាក​ស៊ី​ទី ធុន​សេ​១០០​កូរ៉េ ព​ណ៍​ក្រហម​ពាក់​ស្លាក​លេខ កំពង់ស្ពឺ ២B-៦៤១០ ប៉ុន្តែ​បាន កែ​ជា​ស្លាក​លេខ ១B-៦៤១៨ ទៅ​វិញ ហើយ​ម៉ូតូ​នេះ​មាន​សាំង​ពេញ​ធុង​តែ​ម្ដង ដែល​តាម​ការ​សន្និដ្ឋាន​គឺជា​ម៉ូតូ​ដែល​ជនសង្ស័យ​ជិះ​ធ្វើ​សកម្មភាព​លួច​ទ្រព្យសម្បត្តិ​តាម​ផ្ទះ​ប្រជាពលរដ្ឋ​នៅ​ជិត​ៗ​នោះ​ពេល​យប់ ហើយ​ទំនង​លួច​បាន​ម៉ូតូ​២​គ្រឿង​ក៏​បាន​នាំ​គ្នា​ជិះ​គេចខ្លួន​បាត់​អស់ និង​បាន​លាក់​ទុក​ម៉ូតូ​មួយ​គ្រឿងខាងលើ​នេះ​សិន​ ព្រោះ​កាលពី​ប៉ុន្មាន​ថ្ងៃមុន​មាន​សកម្មភាព​ចោរ​គាស់​ឃ្លាំង​ដាក់​គ្រឿងចក្រ​មួយ​នៅ​ក្នុងភូមិ​ទួល​កី សង្កាត់​ភ្លើង​ឆេះ​រទេះ ខណ្ឌ​ពោធិ៍​សែន​ជ័យ លួច​យក​ម៉ូតូ​ស៊េរី​ទំនើប​២​គ្រឿង ហើយ​គេចខ្លួន​បាត់​ស្រមោល​។

ប្រភព​ដដែល​បាន​បន្ត​ថា តាម​ការ​ពិនិត្យ​មើល​ជាក់ស្ដែង ម៉ូតូ​នេះ​ត្រូវ​បាន​ជន​មិន​ស្គាល់​មុខ​យក​ទៅ​ប្លុង​ចោល​នៅ​ទីនោះ​ច្រើន​ថ្ងៃ​មក​ហើយ យ៉ាង​ហោច​ណាស់​ក៏​១​អាទិត្យ​ដែរ ។ នៅ​មុន​ពេល​មានការ​ភ្ញាក់ផ្អើល​នេះ​កើតឡើង​គឺ​មាន​បុរស​ម្នាក់​ជា​អ្នក​រត់​ម៉ូតូឌុប​បាន​ទៅ​បត់ជើង​នៅ​ទីនោះ​ក៏​​ប្រទះ​ឃើញ​ម៉ូតូ​ខាងលើ និង​បាន​រាយការណ៍​ជូន​នគរបាលដើម្បី​​ចុះ​ទៅ​ត្រួតពិនិត្យ​មើល និង​នាំ​យក​ម៉ូតូ​នោះ​ទៅ​រក្សា​ទុក រង់ចាំ​ការ​ស្រាវជ្រាវ​រក​ម្ចាស់​ម៉ូតូ និង​មូលហេតុ​ដែល​យក​ម៉ូតូ​ទៅ​ប្លុង​ចោល​បែប​នេះ​៕

អត្ថបទសរសេរ ដោយ

កែសម្រួលដោយ