រាជធានីភ្នំពេញ ៖ បុរសម្នាក់ត្រូវបានបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវបានជនសង្ស័យ២នាក់ ប្រដាប់ដោយដំបងនិងកាំបិតវាយនិងចាក់ បណ្តាលអោយរងរបួសធ្ងន់ធ្ងរ នៅវេលាម៉ោង៩និង២០នាទីយប់ ថ្ងៃទី០៧ខែមេសាឆ្នាំ២០២៦ នៅចំណុចមុខរបងវត្តស្ទឹងមានជ័យ ផ្លូវ២១៧…
រាជធានីភ្នំពេញ ៖ បុរសម្នាក់ត្រូវបានបញ្ជូនទៅសង្គ្រោះនៅមន្ទីរពេទ្យ បន្ទាប់ពីត្រូវបានជនសង្ស័យ២នាក់ ប្រដាប់ដោយដំបងនិងកាំបិតវាយនិងចាក់ បណ្តាលអោយរងរបួសធ្ងន់ធ្ងរ នៅវេលាម៉ោង៩និង២០នាទីយប់ ថ្ងៃទី០៧ខែមេសាឆ្នាំ២០២៦ នៅចំណុចមុខរបងវត្តស្ទឹងមានជ័យ ផ្លូវ២១៧ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។
បុរសរងគ្រោះមិនត្រូវបានស្គាល់អត្តសញ្ញាណនោះទេ ។
ប្រភពព័ត៌មានបានអោយដឹងថា មុនពេលកើតហេតុ គេបានឃើញបុរសរងគ្រោះមិនស្គាល់អត្តសញ្ញាណ បានដើរតែម្នាក់ឯង តាមបណ្ដោយផ្លូវ ២១៧ពីស្ពានអាកាសស្ទឹងមានជ័យ ឆ្ពោះទៅវត្តស្ទឹងមានជ័យ លុះមកដល់ចំនុចកើតហេតុ មិនដឹងថាមានទំនាស់រឿងអ្វីនោះទេ ស្រាប់តែមានបុរស២នាក់ទៀត ប្រដាប់ដោយដំបងនិងកាំបិត បានដេញតាមវាយ និងចាក់ជនរងគ្រោះចំចង្កេះពីក្រោយ ហើយយកដំបងវាយថែមទៀត បណ្តាលឱ្យជនរងគ្រោះដេកដួលនៅនឹងកន្លែង រងរបួសធ្ងន់ធ្ងរ ចំណែកជនដៃដល់ទាំង២នាក់ បាននាំគ្នាគេចទៅបាត់ ដោយបន្សល់ទុកកូនកាំបិតមួយនៅកន្លែងកើតហេតុ ។
បន្ទាប់ពីកើតហេតុ ប្រជាពលរដ្ឋបានរាយការណ៍ជូនកម្លាំងសមត្ថកិច្ចមូលដ្ឋានចុះទៅកន្លែងកើតហេតុ ឃើញជនរងគ្រោះរងរបួសធ្ងន់ធ្ងរពេក ទើបហៅរថយន្តសាមុយរបស់មន្ទីរពេទ្យរុស្ស៊ី អោយមកដឹកយកទៅសង្គ្រោះសិន ទើបបន្តការសួរនាំស្រាវជ្រាវតាមក្រោយជាបន្តទៀត ៕
ចែករំលែកព័តមាននេះ