សមត្ថកិច្ចក្រុងប៉ោយប៉ែតឃាត់ខ្លួនក្មេងទំនើងសរុបចំនួន៩នាក់ហើយ ពាក់ព័ន្ធករណីដេញកា.ប់ និងគ.ប់គ្រាប់បែក បណ្តាលឱ្យរបួសអ្នកជួយសង្គ្រោះ
- បន្ទាយមានជ័យ
ខេត្តបន្ទាយមានជ័យ ៖ ការឃាត់ខ្លួនបានចំនួន៩នាក់ទៀតហើយ ក្មេងទំនើងដេញកាប់ និងបោកគ្រាប់ បែកបណ្តាលរបួសម្នាក់កម្លាំង ខណៈកំពុងស្រាវជ្រាវចាប់ខ្លួនបន្តទៀត គិតត្រឹមរសៀលថ្ងៃទី១៦ ខែតុលា ឆ្នាំ២០២៦ ស្ថិតនៅសង្កាត់ប៉ោយប៉ែត ក្រុងប៉ោយប៉ែត។
លោកវរៈសេនីយ៍ត្រី សួន ស៊ីម៉ាប់ នាយប៉ុស្តិ៍នគរបាលសង្កាត់ប៉ោយប៉ែតបានប្រាប់ថា កាលពីវេលាម៉ោង១២យប់ចូលថ្ងៃទី១៦ ខែតុលា ឆ្នាំ២០២៦ ស្ថិតនៅចំណុចភូមិចាន់គីរី សង្កាត់ប៉ោយប៉ែត ក្រុងប៉ោយប៉ែត មានករណីក្មេងទំនើង១ក្រុមជិៈម៉ូតូ៧គ្រឿង មានគ្នាជាង១០នាក់ មានកាំបិតដំបូងស្ទើគ្រប់ដៃ បានជិះម៉ូតូដេញកាប់ប្លន់យកម៉ូតូជនរងគ្រោះ១គ្រឿងកំពុងជិះតាមផ្លូវក៏ផ្តួលម៉ូតូចោលអោយគេជួយ។
លោកបានបញ្ជាក់ថា នៅពេលជនរងគ្រោះផ្តួលម៉ូតូស្រែកអោយគេជួយ ពេលនោះក្មេងទំនើងបានកាប់បំផ្លាញម៉ូតូជនរងគ្រោះខូចខាត ហើយក្រុមសង្គ្រោះបឋម ក្រុងប៉ោយប៉ែតនៅក្បែរបានរត់មកជួយ ក៏ត្រូវបានក្រុមក្មេងទំនើងជិះម៉ូតូគេចហើយត្រឡប់មកវិញគប់គ្រាប់បែក បណ្តាលឱ្យផ្ទុះរបួសក្រុមសង្គ្រោះម្នាក់ និងកម្លាំងសមត្ថកិច្ចឃាត់ខ្លួនបានម្នាក់នាំទៅសាកសួរនៅប៉ុស្តិ៍នគរបាលសង្កាត់ប៉ោយប៉ែត ។
លោកវរសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានបញ្ជាក់ទៀតថាភ្លាមៗ ឯកឧត្តម ប៉ាន់ខែម ប៊ុនថន ប្រធានក្រុមការងារថ្នាក់ជាតិចុះជួយមូលដ្ឋានក្រុងប៉ោយប៉ែត បានដឹកនាំកម្លាំងនគរបាល កម្លាំងកងរាជអាវុធហត្ថក្រុងប៉ោយប៉ែត ចុះស្រាវជ្រាវ និងឃាត់ខ្លួនក្មេងទំនើងបានជាបន្តបន្ទាប់សរុបចំនួន៩នាក់ ដើម្បីអនុវត្តនីតិវិធីពេលនេះ កម្លាំងជំនាញបានទទួលបណ្តឹងជនរងគ្រោះជាម្ចាស់ម៉ូតូ និងជនរងគ្រោះដែលរងរបួសដោយគ្រាប់បែក និងស្រាវជ្រាវបន្តចាប់ខ្លួនក្មេងទំនើងឱ្យអស់ ដែលបានបង្កអសន្តិសុខនិងសណ្តាប់ធ្នាប់នៅក្នុងក្រុងប៉ោយប៉ែត ៕
ចែករំលែកព័តមាននេះ