រាជធានីភ្នំពេញ ៖ ចង់ចេះជំនាញបុរាណ ដែលរួមមានតម្បាញសូត្រ និងអំបោះ, តម្បាញក្រមាពណ៌ត្រុំ, ប៉ាក់ឌិន, ចម្លាក់ប្រាក់/ស្ពាន់, ចម្លាក់ស្បែក, តម្បាញក្រណាត់ជនជាតិដើមភាគតិច,…
រាជធានីភ្នំពេញ ៖ ចង់ចេះជំនាញបុរាណ ដែលរួមមានតម្បាញសូត្រ និងអំបោះ, តម្បាញក្រមាពណ៌ត្រុំ, ប៉ាក់ឌិន, ចម្លាក់ប្រាក់/ស្ពាន់, ចម្លាក់ស្បែក, តម្បាញក្រណាត់ជនជាតិដើមភាគតិច, ខ្មុកស្មាច់, ខ្មុកម្រក្សណ៍, តម្បាញកន្ទេលផ្អាវ, ស្មូនឆ្នាំង, ចម្លាក់ពុម្ព, កុលាលភាជន៍ និងគំនូរបុរាណ ក្រសួងវប្បធម៌ និងវិចិត្រសិល្បៈ នឹងបើកវគ្គបណ្តុះបណ្តាលឆាប់ៗនេះ ។
ក្រសួងវប្បធម៌ និងវិចិត្រសិល្បៈ បានប្រកាសឱ្យដឹងនៅថ្ងៃទី៦ ខែមេសា ឆ្នាំ២០២៦ ថា កម្មវិធីបណ្តុះបណ្តាលជំនាញវិជ្ជាជីវៈដូនតានេះ គឺនឹងដំណើរការដោយមិនបង់ថ្លៃឡើយ ហើយការបណ្តុះបណ្តាល គឺនឹងដំណើរការចាប់ពីខែឧសភា ខាងនេះតទៅនៅទីតាំង ចំនួន១៣ ក្នុងខេត្តចំនួន៩ ដូចជា ៖ ខេត្តសៀមរាប, កណ្តាល, កំពង់ឆ្នាំង, កំពង់ចាម, កំពង់ធំ, បន្ទាយមានជ័យ, មណ្ឌលគិរី, រតនគិរី និងព្រះវិហារ ។
ប្រភពដដែលបានឱ្យដឹងដែរថា ចំពោះសិស្ស ដែលមកពីគ្រួសារក្រីក្រ ដែលមានបណ្ណសមធម៌ និងគ្រួសារងាយរងហានិភ័យ រាជរដ្ឋាភិបាល នឹងឧបត្ថម្ភប្រាក់ចំនួន ២៨ម៉ឺនរៀល ក្នុងមួយខែ តែត្រូវបំពេញលក្ខខណ្ឌសិក្សាឱ្យបានត្រឹមត្រូវ ៕
ចែករំលែកព័តមាននេះ