រាជធានីភ្នំពេញ ៖ ក្នុងពិធីជួបសំណេះសំណាលសួរសុខទុក្ខ និងស្តាប់សំណូមពរប្រជាពលរដ្ឋ បុរីសន្តិភាព២ ស្ថិតក្នុងសង្កាត់ចោមចៅទី២ ខណ្ឌពោធិសែនជ័យនៅព្រឹកថ្ងៃទី០៣ ខែសីហា ឆ្នាំ២០១៨នេះ លោក…
រាជធានីភ្នំពេញ ៖ ក្នុងពិធីជួបសំណេះសំណាលសួរសុខទុក្ខ និងស្តាប់សំណូមពរប្រជាពលរដ្ឋ បុរីសន្តិភាព២ ស្ថិតក្នុងសង្កាត់ចោមចៅទី២ ខណ្ឌពោធិសែនជ័យនៅព្រឹកថ្ងៃទី០៣ ខែសីហា ឆ្នាំ២០១៨នេះ លោក ឃួង ស្រេង អភិបាលរាជធានីភ្នំពេញបានប្រកាសធ្វើផ្លូវ និងដាក់លូបន្ថែមទៀតជូនប្រជាពលរដ្ឋតាមការសន្យាមុនពេលបោះឆ្នោត ។
លោកឃួង ស្រេង បានថ្លែងទៅកាន់ប្រជាពលរដ្ឋថា នៅក្នុងបុរីសន្តិភាព២ ក្នុងសង្កាត់ចោមចៅទី២ ខណ្ឌពោធិសែនជ័យនេះរដ្ឋបាលរាជធានីភ្នំពេញបានកសាងសមិទ្ធិផលជាច្រើន ដើម្បីបំពេញទៅតាមតំរូវការជាមូលដ្ឋានរបស់បងប្អូនប្រជាពលរដ្ឋនៅទីនេះដែលពីមុនតំបន់នេះគ្មានអ្វីទាំងអស់ តែមកដល់ឥឡូវនេះបងប្អូនមានផ្ទះសម្បែងរស់នៅសមរម្យ ,មានទីផ្សារ,មានប្រព័ន្ធទឹក, ភ្លើងរដ្ឋប្រើប្រាស់ មានសេវារថយន្តក្រុង និងសេវាសុខភាពជាដើម ។
ក្នុងឱកាសនោះលោកឃួង ស្រេង បានថ្លែងនូវការដឹងគុណយ៉ាងជ្រាលជ្រៅចំពោះបងប្អូនប្រជាពលរដ្ឋទាំងអស់ដែលបានអញ្ជើញទៅបោះឆ្នោតយ៉ាងច្រើនកុះករកន្លងមក ៕
ចែករំលែកព័តមាននេះ