រាជធានីភ្នំពេញ ៖ ដូចជាការគ្រោងទុក រដ្ឋសភាបានបើកសម័យប្រជុំពេញអង្គ ដើម្បីពិភាក្សា និងអនុម័តសេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាជាស្ថាពរដោយសម្លេង១១២ លើ១១២សម្លេង ។ សម័យពេញអង្គរដ្ឋសភា នាព្រឹកថ្ងៃទី៣០…
រាជធានីភ្នំពេញ ៖ ដូចជាការគ្រោងទុក រដ្ឋសភាបានបើកសម័យប្រជុំពេញអង្គ ដើម្បីពិភាក្សា និងអនុម័តសេចក្តីព្រាងច្បាប់ស្តីពីការប្រឆាំងការឆបោកតាមប្រព័ន្ធបច្ចេកវិទ្យាជាស្ថាពរដោយសម្លេង១១២ លើ១១២សម្លេង ។ សម័យពេញអង្គរដ្ឋសភា នាព្រឹកថ្ងៃទី៣០ ខែមីនា ឆ្នាំ២០២៦ ក្រោមអធិបតីភាពសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។
សម័យប្រជុំរដ្ឋសភាលើកទី៥ នីតិកាលទី៧ ដោយមានរបៀបវារៈចំនួនពីរ រួមមាន៖ ១-ការពិភាក្សាអនុម័ត សេចក្តីព្រាងច្បាប់ ស្តីពីការប្រឆាំងការឆបោកតាមប្រព័ន្ធបច្ចេកវិទ្យា។ ២-ការពិភាក្សាអនុម័ត សេចក្តីស្នើច្បាប់ ស្តីពីវិសោធនកម្មច្បា ប់ស្តីពីការបោះឆ្នោត ជ្រើស តាំងសមាជិកព្រឹទ្ធ សភា។ ជាមួយគ្នានេះ គណៈកម្មាធិការ អចិន្ត្រៃយ៍រដ្ឋសភា ក៏បានអនុម័ តលើសេចក្តីព្រាងសេចក្តីសម្រេច ស្តីពីតួនាទី និងភារកិច្ចរបស់គណៈកម្មការនានានៃរដ្ឋសភាផងដែរ។
សូមជម្រាបថា អន្តរគណៈកម្មការជំនាញនៃរដ្ឋសភា ក្នុងស្មារតីបុរេសកម្មដើម្បី ពង្រឹងសន្តិសុខឌីជីថល និងកិច្ចការពារផលប្រយោជន៍ប្រជាពលរដ្ឋឱ្យកាន់តែមានប្រសិទ្ធភាព បានបើក កិច្ចប្រជុំពិភាក្សា និងដេញដោលស៊ីជម្រៅជាមួយតំណាងរាជរដ្ឋាភិបាល ដើម្បីពិនិ ត្យលើ «សេចក្តីព្រាង ច្បាប់ស្តីពី ការប្រឆាំងការឆបោកតាមប្រព័ន្ធបច្ចេកវិទ្យា»។ តំណាងរាជរដ្ឋាភិបាល ឯកឧត្តម កើត
រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានធ្វើការពន្យល់ និងបំភ្លឺយ៉ាងលម្អិតអំពីភាពចាំបាច់ និងគោលបំណង យុទ្ធសាស្ត្រនៃ សេចក្តីព្រាងច្បាប់នេះ ។
តំណាងរាជរដ្ឋាភិបាលបានគូសបញ្ជាក់ជូនអន្តរគណៈកម្មការរដ្ឋសភាថា ឧក្រិដ្ឋកម្ម ឆបោកឆ្លង ដែនតាមប្រព័ន្ធបច្ចេកវិទ្យាបានវិវត្តក្លាយជាកង្វល់សកល ដែលទាមទារឱ្យកម្ពុជាមាន «ឧបករណ៍គតិយុត្តិ» ដ៏រឹងមាំសម្រាប់បង្ក្រាប ។ សេចក្តីព្រាងច្បាប់នេះ មាន ៥ ជំពូក និង២៤ មាត្រា ដោយក្នុងនោះបានកំណត់ បង្កើតបទល្មើ សព្រហ្មទណ្ឌថ្មីចំនួន៥បន្ថែមទៀត រួមមាន៖ បទឆបោកតាមប្រព័ន្ធបច្ចេកវិទ្យា, បទរៀបចំឬ ដឹកនាំមជ្ឈមណ្ឌលឆបោក, បទជ្រើសរើសឬ បណ្តុះបណ្តាលបុគ្គលឱ្យ ប្រព្រឹត្តបទល្មើស, បទប្រមូលទិន្នន័យឯកជនក្នុងចេតនាទុច្ចរិត និងការបង្កើតទម្រង់ ពិសេសនៃបទល្មើសសម្អាតប្រាក់ ។
ឆ្លងកាត់ការពិភាក្សាយ៉ាងផុលផុស សមាជិកអន្តរគណៈកម្មការរដ្ឋសភាបានលើកឡើងនូវសំណួរដេញដោលជាច្រើនលើចំណុចគន្លឹះៗ ដើម្បីធានាឱ្យបាននូវសង្គតិភាព និងប្រសិទ្ធភាពខ្ពស់ក្នុងការអនុវត្តច្បាប់ឱ្យស្របតា មបរិបទជាក់ស្តែងនៃសង្គម ។
អង្គប្រជុំបានសម្រេចឯកភាពលើខ្លឹមសារដើមទាំងស្រុងនៃសេចក្តីព្រាងច្បាប់នេះ ដោយវាយតម្លៃថា ជាការរៀបចំឡើងប្រកបដោយវិទ្យាសាស្ត្រ ស្របតាមស្តង់ដារអន្តរជាតិ និងអនុសញ្ញាអង្គការសហប្រជាជាតិស្តីពីការប្រឆាំងបទឧក្រិដ្ឋកម្មឆ្លងដែន។
ជោគជ័យនៃកិច្ចពិភាក្សារវាងអន្តរគណៈកម្មការជំនាញរដ្ឋសភា និងភាគីរាជរដ្ឋាភិបាលលើសេ ចក្តីព្រាងច្បាប់នេះគឺជាជំហានយុទ្ធសាស្ត្រដ៏មុតស្រួចក្នុងការបង្កើនទំនុកចិត្តលើការប្រើប្រាស់បច្ចេកវិទ្យា និងជាខែលការពារសុវត្ថិភាពសង្គមដ៏រឹងមាំសម្រាប់ព្រះរាជាណាចក្រកម្ពុជា ក្នុងយុគសម័យឌីជីថល ៕
ចែករំលែកព័តមាននេះ