រាជធានីភ្នំពេញ ៖ ទោះបីជាលទ្ធផលនៃការបោះឆ្នោតមិនទាន់បង្ហាញជាផ្លូវការយ៉ាងណាក្តី ក៏អតីតបក្សប្រឆាំង និងបក្សកាន់អំណាចបានខ្វែងគំនិតគ្នាចំពោះអ្នកចេញបោះឆ្នោតនាពេល កន្លងមកនេះ។ មន្ត្រីជាន់ខ្ពស់គណបក្សកាន់អំណាចបានអះអាងថា អ្នកចេញទៅបោះឆ្នោតមាន ចំនួនច្រើន ដែលជាហេតុនឹកស្មានមិនដល់រហូដល់ ៨២,៨៩% នៃចំនួនអ្នកមានឈ្មោះក្នុង បញ្ជីឈ្មោះបោះឆ្នោត។ ចំណែកអតីតប្រធានគណបក្សប្រឆាំងថា មិនមែនចំនួនច្រើនដូចអ្វី ដែលបក្សកាន់អំណាចលើកឡើង និង គ.ជ.ប ចេញផ្សាយនោះទេ។ លោក សុខ ឥសាន បានឲ្យដឹងតាមប្រព័ន្ធតេឡេក្រាមនៅថ្ងៃទី១ ខែសីហា ថា អ្នកធ្លាប់គាំទ្រជិតកន្លះនគរ នៅសល់តែត្រឹម៥០ម៉ឺនប៉ុណ្ណោះ។
អ្នកនយោបាយនៃបក្សមួយចំនួនបានវាយតម្លៃយ៉ាងឥត រារែកថា អ្នកបោះឆ្នោតដែលធ្វើឲ្យសន្លឹកឆ្នោតមិនបានការនោះ ភាគច្រើន គឺមកពីអតីតអ្នកគាំទ្រអតីតបក្សប្រឆាំង។ លោកបន្ថែមថា លោក សម រង្ស៊ី ក៏បានអះអាងថា អ្នកដែលធ្វើឲ្យខូចសន្លឹកឆ្នោតមិនបានការគឺពិតជាអ្នកគាំទ្រពួកខ្លួន ដែលជឿតាមយុទ្ធសាស្ត្រ ម្រាមដៃស្អាត របស់ពួកគេ។ ដូច្នេះគ្មានការសង្ស័យទេថា អាចមានហេតុផលសមរម្យដែល ថា អ្នកធ្វើឲ្យខូចសន្លឹកឆ្នោតមិនបានការនោះ គឺពិតជាអ្នកនៅជឿតាមពួកឧទ្ទាមក្រៅច្បាប់ដឹកនាំ ដោយទណ្ឌិត សម រង្សី។ ហេតុនេះ អ្នកគាំទ្រអតីតបក្សប្រឆាំងបានថយមកនៅត្រឹម៥០ម៉ឺន ឬថយតិចជាងនេះផង ដោយសារពួកគេអស់ជំនឿលើការដឹកនាំរបស់ពួកឧទ្ទាមក្រៅច្បាប់នេះ។
លោកបញ្ជាក់ថា៖ «ម្យ៉ាងទៀត ដោយសារកាន់តែអស់សង្ឃឹម ក្រោយការបោះឆ្នោតដែ លមានការគាំទ្រគណបក្សប្រជាជនកម្ពុជាដ៏ច្រើនលើសលុបនោះ បងប្អូនពិតជានឹងរសាយអា រម្មណ៍ឈប់ជឿតាមការបោកប្រាស់របស់ពួកឧទ្ទាមក្រៅច្បាប់ ហើយនឹងចាកចេញមកជា បន្តបន្ទាប់រួមជីវភាពនយោបាយ ជាមួយគណបក្សកាន់អំណាចជាមិនខាន »។ លោកបន្ថែមថា« ដូច្នេះ ទណ្ឌិត សម រង្សី និងបក្ខពួកនឹងកាន់តែត្រូវឯកោនាពេលដ៏ខ្លីខាងមុខនេះយ៉ាងពិតប្រាកដ ដោយសម្រេចបានជោគជ័យនៃនយោបាយ មានស៊ីអត់សែន ឥឡូវមានសែន អត់ស៊ី ជាស្ថាពរ មែន »។
ការលើករបស់អ្នកនាំពាក្យគណបក្សប្រជាជនកម្ពុជានេះ បន្ទាប់ពីលោក សម រង្ស៊ី អតី តប្រធានគណបក្សសង្គ្រោះជាតិបានលើកឡើងតាមវីឌីអូឃ្លីប បានអរគុណដល់អ្នកគាំ ទ្រខ្លួនដែលមិនចេញទៅបោះឆ្នោត ហើយទៅបោះឆ្នោត តែមិនបានគូសសញ្ញាគាំទ្រគ ណបក្សនយោបាយណាមួយមានចំនួនច្រើន។ លោក សម រង្ស៊ី បានលើកឡើងកាលពីថ្ងៃទី១ សីហា យ៉ាងដូច្នេះថា បងប្អូន កូនក្មួយ បានបង្ហាញ ចំពោះស្មោះត្រង់ចំពោះជាតិ ហើយចំពោះគណបក្សសង្គ្រោះជាតិ។
លោកថា ការគាំទ្ររបស់ពលរដ្ឋចំពោះគណបក្ស សង្គ្រោះជាតិ មានចំណុចពីយ៉ាងណាគឺទី១. អ្នកគាំទ្រគណបក្សសង្គ្រោះជាតិជាង២លាននាក់ បានធ្វើពហិការមិនទៅបោះឆ្នោត ទី២. អ្នកគាំទ្រគណបក្សសង្គ្រោះជាតិជាង១លាននាក់ បានទៅបោះឆ្នោតតែមិនបានគូសសញ្ញាគាំទ្រគណបក្សនយោបាយ។ យ៉ាងណាក្តីលោក សម រង្ស៊ី អះអាងការបោះឆ្នោតកន្លងមកនេះ មិនមានពលរដ្ឋទៅបោះឆ្នោតបាន ៥០%នោះទេ ហើយការផ្សាយរបស់គណៈកម្មាធិការជាតិរៀបចំការបោះឆ្នោតគឺជាការរៀបចំទុក៕
ចែករំលែកព័តមាននេះ