ក្មេងស្រីជំទង់រស់នៅជាមួយរាយកាយមនុស្សម្នាក់ទៀតតាំងពីកើតមក
ហ្វីលីពីន ៖ តាមប្រភពព័ត៌មាន Metro បានឲ្យដឹងថា ក្មេងស្រីជំទង់ម្នាក់ដែលកើតមកមានដៃបួន ខ្លួនពីរ មានលទ្ធភាពគ្រប់គ្រាន់ក្នុងការវះកាត់ហើយ។ Veronica Cominguez…
ហ្វីលីពីន ៖ តាមប្រភពព័ត៌មាន Metro បានឲ្យដឹងថា ក្មេងស្រីជំទង់ម្នាក់ដែលកើតមកមានដៃបួន ខ្លួនពីរ មានលទ្ធភាពគ្រប់គ្រាន់ក្នុងការវះកាត់ហើយ។
Veronica Cominguez អាយុ១៤ឆ្នាំ ដែលមានទីលំនៅនៅក្នុងក្រុង Iligan ប្រទេសហ្វីលីពីន បានរស់នៅជាមួយនឹងរាងកាយរបស់មនុស្សម្នាក់ទៀត តាំងពីកើតមក រហូតមកដល់សព្វថ្ងៃ។ ជីវិតរបស់នាងមិនស្រួលទេ ពេលមានលក្ខណៈខុសពីមនុស្សដទៃបែបនេះ។
ម្តាយរបស់នាង ឈ្មោះ Flora Cominguez ត្រូវបានគ្រូពេទ្យប្រាប់ថា មានកូនភ្លោះ ពេលមានទម្ងន់ Veronica នៅក្នុងផ្ទៃ។ គាត់ក៏មិនព្រួយបារម្ភអ្វីដែរ ដោយសារតែបានទៅពេទ្យតាមដានផ្ទៃពោះតាមការកំណត់។ តែកូនមួយទៀតក្នុងផ្ទៃជាមួយ Veronica មិនបានលូតលាស់ទៅជាទារកពេញលក្ខណៈនោះទេ ហើយបែរទៅជាផ្នែកលើសរបស់នាងទៅវិញ។
Veronica ថា ដំបូងឡើយ វាមានទំហំតូចទេ។ តែក្រោយមក វាចេះតែធំទៅៗដល់ថ្នាក់មានទឹកហូរចេញមកប្រឡាក់អាវរបស់នាងទៀត។ ទឹកនោះមានក្លិបស្អុយដូចសាកសពមនុស្សរលួយអ៊ីចឹង។ ជួនកាលមានឈាមលាយមកជាមួយទៀត។
លោកវេជ្ជបណ្ឌិត Beda Espineda ដែលជាគ្រូពេទ្យវះកាត់កុមារនៅមជ្ឈមណ្ឌលវេជ្ជសាស្ត្រកុមារហ្វីលីពីន និងបានពិនិត្យមើលករណីជំងឺរបស់ Veronica បានប្រាប់ថា ការយកវាចេញ គឺមានភាពងាយស្រួល ដោយមិនមានពាក់ព័ន្ធជាមួយនឹងផ្នែកផ្សេងរបស់រាងកាយឡើយ។
ដោយសារតែអ្នកភូមិបានជួយប្រមូលប្រាក់ឧបត្ថម្ភដល់ការធ្វើដំណើររបស់ Veronica ទៅប្រទេសថៃ នាងនឹងទៅទីនោះដើម្បីធ្វើការវះកាត់ ហើយរស់នៅដូចមនុស្សធម្មតា៕
ចែករំលែកព័តមាននេះ