ខេត្តពោធិ៍សាត់ ៖ បុរស ម្នាក់បានចង.កសម្លាប់ខ្លួន បន្ទាប់ពីដើរផឹកស៊ីពេញមួយយប់ ហើយពេលចូលផ្ទះវិញមិនឃើញប្រពន្ធ ។ ហេតុការណ៍នេះបានកើតឡើងកាលពីវេលាម៉ោង៤និង៣៥នាទីទៀបភ្លឺថ្ងៃទី៣០ ខែកក្កដា ឆ្នាំ២០១៨…
ខេត្តពោធិ៍សាត់ ៖ បុរស ម្នាក់បានចង.កសម្លាប់ខ្លួន បន្ទាប់ពីដើរផឹកស៊ីពេញមួយយប់ ហើយពេលចូលផ្ទះវិញមិនឃើញប្រពន្ធ ។ ហេតុការណ៍នេះបានកើតឡើងកាលពីវេលាម៉ោង៤និង៣៥នាទីទៀបភ្លឺថ្ងៃទី៣០ ខែកក្កដា ឆ្នាំ២០១៨ នៅភូមិទួលគ្រួស សង្កាត់ចំរើនផល ក្រុងពោធិ៍សាត់។
សមត្ថកិច្ចឲ្យដឹងថា ជនរងគ្រោះដែលស្លាប់ឈ្មោះ ធឹម លីហេង ភេទប្រុស អាយុ៤១ឆ្នាំ មានប្រពន្ធនិងកូន៣នាក់ ប៉ុន្តែបានលែងលះគ្នា ហើយទៅយកប្រពន្ធទី២ឈ្មោះ លឹម ចន្ទូ អាយុ៤១ឆ្នាំ រស់នៅភូមិទួលគ្រួស សង្កាត់ចំរើនផល ក្រុងពោធិ៍សាត់។
តាមការសាកសួរពីអ្នកស្រុកដែលរស់នៅទីនោះបានឲ្យដឹងថា ប៉ុន្មានថ្ងៃមុន ប្ដីប្រពន្ធខាងលើមានជម្លោះក្នុងគ្រួសារ ប្រកែកគ្នាតឹងសរសៃក ប៉ុន្តែមិនបានដឹងពីមូលហេតុច្បាស់លាស់ទេ ។ នៅថ្ងៃទី២៩ កក្កដា បុរសជាប្ដីបានចេញទៅផឹកស៊ីជាមួយមិត្តភក្តិបាត់តាំងពីល្ងាចរហូតដល់ពាក់កណ្ដាលយប់នៅតែមិនទាន់ចូលផ្ទះ ។ ឃើញដូច្នេះប្រពន្ធក៍ទៅដេកផ្ទះបងប្អូនបាត់ដែរ។
ប្រភពដដែលបានបន្តថា លុះវេលាម៉ោង៤ទៀបភ្លឺថ្ងៃទី៣០ កក្កដា ត្រឡប់ចូលផ្ទះវិញមិនឃើញប្រពន្ធ តូចចិត្តក៏យកខ្សែអង្រឹងចង.កសម្លាប់ខ្លួនក្នុងរោងក្បែរផ្ទះទាំងនៅសម្លៀកបំពាក់តឺនុយនៅឡើយ។ ម៉ោង៤និង៣៥នាទីទៀបភ្លឺថ្ងៃទី៣០ កក្កដា ក្មួយស្រីបានដឹកបន្លែទៅលក់នៅផ្សារជិះម៉ូតូកាត់តាមមុខផ្ទះក៏ប្រទះឃើញចង.ក ក៍ទៅប្រាប់មីងដែលជាប្រពន្ធជនរងគ្រោះទើបផ្អើលទាំងព្រឹកតែម្ដង។
ក្រោយកើតហេតុ សមត្ថកិច្ចបានកាត់ចំណងដើម្បីទម្លាក់ជនរងគ្រោះចុះមកក្រោមក្នុងគោលបំណងជួយសង្គ្រោះ ប៉ុន្តែជាអកុសលជនរងគ្រោះបានស្លាប់បាត់ទៅហើយ ។ សមត្ថកិច្ចបញ្ជាក់ថា តាមការពិនិត្យសព ជនរងគ្រោះពិតជាស្លាប់ដោយសារចង.កពិតប្រាកដមែន ៕
ចែករំលែកព័តមាននេះ