រាជធានីភ្នំពេញ ៖ ក្រសួងការបរទេស និងសហប្រតិបត្តិការអន្តរជាតិកម្ពុជា បានចេញសេចក្តីថ្លែងការណ៍ថ្កោលទោស យ៉ាងខ្លាំងក្លាបំផុត ចំពោះការឈ្លានពានប្រដាប់អាវុធរបស់ប្រទេសថៃ មកលើកម្ពុជា រួមមានការ ប្រើប្រាស់យន្តហោះចម្បាំង…
រាជធានីភ្នំពេញ ៖ ក្រសួងការបរទេស និងសហប្រតិបត្តិការអន្តរជាតិកម្ពុជា បានចេញសេចក្តីថ្លែងការណ៍ថ្កោលទោស យ៉ាងខ្លាំងក្លាបំផុត ចំពោះការឈ្លានពានប្រដាប់អាវុធរបស់ប្រទេសថៃ មកលើកម្ពុជា រួមមានការ ប្រើប្រាស់យន្តហោះចម្បាំង F-16 វាយប្រហារតាមអាកាសលើទីតាំងជាច្រើន នៅតាមបណ្តាខេត្តនានា តាមបណ្តោយព្រំដែនកម្ពុជា-ថៃ ។
សេចក្តីថ្លែងការណ៍របស់ក្រសួងការបទេសកម្ពុជា ចេញផ្សាយនៅយប់ថ្ងៃទី១៥ ខែធ្នូ ឆ្នាំ២០២៥ បានលើកឡើងថា សកម្មភាពបែបនេះ គឺជាការរំលោភលើអធិបតេយ្យ និងបូរណភាពទឹកដីរបស់កម្ពុជា បំពានធម្មនុញ្ញអង្គការសហប្រជាជាតិ និងមិនគោរពទាំងធម្មនុញ្ញអាស៊ាន និងស្មារតី នៃសហគមន៍អាស៊ាន ។
ថ្លែងការណ៍បន្តថា ការប្រើប្រាស់យន្តហោះចម្បាំង F-16 ក្នុងទឹកដីកម្ពុជា គឺជាការប្រើប្រាស់កម្លាំងមិនសមាមាត្រ និងមិនត្រឹមត្រូវយ៉ាងពិតប្រាកដ។ ការវាយប្រហារតាមអាកាស ដែលធ្វើឡើងដោយយោធាថៃ រួមទាំងប្រតិបត្តិការ ដែលត្រូវបានរាយការណ៍ថា ចូលជ្រៅប្រមាណ ៨០-៩០គីឡូម៉ែត្រ ទៅក្នុងទឹកដីកម្ពុជា បានបណ្តាលឱ្យបាត់បង់ជីវិតជនស៊ីវិលជាច្រើន និងមានប្រជាជនជាង ៤០០,០០០នាក់ ត្រូវភៀសខ្លួន ព្រមទាំងបង្កការបំផ្លិចបំផ្លាញយ៉ាងធ្ងន់ធ្ងរ។ ការវាយប្រហារទាំងនេះ បានធ្វើឱ្យខូចខាត និងបំផ្លិចបំផ្លាញ តំបន់បេតិកភណ្ឌពិភពលោករបស់អង្គការយូណេស្កូ រួមមានប្រាសាទព្រះវិហារ និងប្រាសាទផ្សេងទៀត ដែលមានសារៈសំខាន់ផ្នែកវប្បធម៌ និងសាសនា ព្រមទាំងផ្ទះសម្បែងប្រជាពលរដ្ឋ សាលារៀន មន្ទីរពេទ្យ វត្តអារាម សណ្ឋាគារ កាស៊ីណូ ការិយាល័យរដ្ឋបាល ស្ពានជ័យជំនះ និងហេដ្ឋារចនាសម្ព័ន្ធស៊ីវិល សំខាន់ៗដទៃទៀត ។
សកម្មភាពបែបនេះ គឺជាការរំលោភយ៉ាងធ្ងន់ធ្ងរ លើច្បាប់មនុស្សធម៌អន្តរជាតិ និងកាតព្វកិច្ចអន្តរជាតិ ក្នុងការការពារជនស៊ីវិល និងទ្រព្យសម្បត្តិវប្បធម៌ ។
ក្រសួងការបរទេស និងសហប្រតិបត្តិការអន្តរជាតិ អំពាវនាវដល់យោធា ជនស៊ីវិល និងជំរុញឱ្យកងទ័ពថៃគោរពច្បាប់អន្តរជាតិ និងផ្តល់អាទិភាពលើការការពា បន្ទាន់នូវការទម្លាក់គ្រាប់បែកពីលើអាកាស និងប្រតិបត្តិការយោធាណាមួយ ដែល គោលដៅស៊ីវិល ។
រាជរដ្ឋាភិបាលកម្ពុជាបញ្ជាក់សាជាថ្មីនូវការប្តេជ្ញាចិត្តយ៉ាងខ្ជាប់ខ្ជួន និងឥតងាករេ ក្នុងការអនុវត្ត បទឈប់បាញ់ថ្ងៃទី២៨ ខែកក្កដា ឆ្នាំ២០២៥ និងសេចក្តីថ្លែងការណ៍រួមទីក្រុងគូឡាឡាំពួ ចុះថ្ងៃទី២៦ ខែតុលា ឆ្នាំ២០២៥ ព្រមទាំងទាមទារឱ្យប្រទេសថៃបញ្ឈប់ការប្រើប្រាស់កម្លាំង ក្នុងការកំណត់ព្រំដែន និងត្រឡប់ទៅរកមធ្យោបាយដោះស្រាយជម្លោះដោយសន្តិវិធី ស្របតាមគោលការណ៍ភាពជាអ្នកជិត ខាងល្អ និងច្បាប់អន្តរជាតិ ៕
ចែករំលែកព័តមាននេះ