ខេត្តក្រចេះ ៖ សេចក្តីរាយការណ៍បឋមឱ្យដឹងថា ក្មេងស្រី២នាក់ក្នុងចំណោម៣នាក់បានស្លាប់យ៉ាងអាណោចអាធ័ម ដោយសារលង់ទឹកបឹងដែលកំពុងជន់លិចខាងក្រោយភូមិ ខណៈម្នាក់ទៀតត្រូវបាន ជួយសង្គ្រោះទាន់ពេល ក្រោយពួកគេនាំគ្នាទៅមុជទឹកបឹងលេងមិនប្រយ័ត្ន កើតឡើងកាលពីព្រឹកថ្ងៃទី ២៧…
ខេត្តក្រចេះ ៖ សេចក្តីរាយការណ៍បឋមឱ្យដឹងថា ក្មេងស្រី២នាក់ក្នុងចំណោម៣នាក់បានស្លាប់យ៉ាងអាណោចអាធ័ម ដោយសារលង់ទឹកបឹងដែលកំពុងជន់លិចខាងក្រោយភូមិ ខណៈម្នាក់ទៀតត្រូវបាន
ជួយសង្គ្រោះទាន់ពេល ក្រោយពួកគេនាំគ្នាទៅមុជទឹកបឹងលេងមិនប្រយ័ត្ន កើតឡើងកាលពីព្រឹកថ្ងៃទី
២៧ កក្កដា នេះ ស្ថិតក្នុងភូមិថ្មីទី១ ឃុំខ្សាច់អណ្តែត ស្រុកឆ្លូង ។
អ្នកភូមិបានឱ្យដឹងទៀតថា ភ្លាមៗ បន្ទាប់ពីឃើញហេតុការណ៍ក៏មានការជួយសង្គ្រោះ តែជួយបានតែក្មេងស្រីម្នាក់ ខណៈ២នាក់ទៀតលង់លិចបាត់ មិនអាចជួយទាន់ ។
នគរបាលស្រុកឆ្លូងបានឱ្យដឹងដែរថា ក្មេងស្រីទាំង៣នាក់ មានអាយុចាប់ពី១០ឆ្នាំ ទៅ១២ឆ្នាំ ។ ពួកគេរស់នៅក្នុងភូមិកើតហេតុខាងលើ ។ ពួកគេទាំង៣នាក់ រស់នៅផ្ទះក្បែរគ្នាក្នុងភូមិ បាននាំគ្នាចុះងូតលេងទឹកបឹង ដែលលិចខាងក្រោយផ្ទះ ក៏បានជួបហេតុការណ៍នេះតែម្តង ។
ចែករំលែកព័តមាននេះ