រាជធានីភ្នំពេញ ៖ ឯកឧត្តម ខៀវ កាញារីទ្ធ សមាជិករដ្ឋសភា និងជាអតីតរដ្ឋមន្ត្រីក្រសួងព័ត៌មានបានអំពាវនាវដល់ប្រជាពលរដ្ឋបន្តធ្វើយុទ្ធនាការ«ខ្មែរប្រើរបស់ខ្មែរ»ជាប់រហូតដល់ទាល់ តែថៃដាក់កន្ទុយរត់ចូលដីខ្លួនវិញ ។ ការអំពាវនាវរបស់ឯកឧត្តម…
រាជធានីភ្នំពេញ ៖ ឯកឧត្តម ខៀវ កាញារីទ្ធ សមាជិករដ្ឋសភា និងជាអតីតរដ្ឋមន្ត្រីក្រសួងព័ត៌មានបានអំពាវនាវដល់ប្រជាពលរដ្ឋបន្តធ្វើយុទ្ធនាការ«ខ្មែរប្រើរបស់ខ្មែរ»ជាប់រហូតដល់ទាល់ តែថៃដាក់កន្ទុយរត់ចូលដីខ្លួនវិញ ។
ការអំពាវនាវរបស់ឯកឧត្តម ខៀវ កាញារីទ្ធ បន្ទាប់ពីនាយករដ្ឋមន្ត្រីបានដាក់ចេញយុទ្ធនាការ «ថៃជួយថឺ» បន្ទាប់ប្រជាពលរដ្ឋបានខឹងសម្បារខ្លួន ក្រោយសេដ្ឋកិច្ចពួកគាត់ធ្លាក់ចុះក្រោយពីថៃបានបិទព្រំដែនជាមួយកម្ពុជាជាច្រើនខែមកហើយ ។
ឯកឧត្តម ខៀវ កាញារីទ្ធ បានសរសេរលើបណ្តាញសង្គម នៅថ្ងៃទី១៣ ខែឧសភា ឆ្នាំ២០២៦ បានលើកឡើងថា ក្រោយពីយុទ្ធនាការ «ខ្មែរប្រើរបស់ខ្មែរ» ដែលបណ្តាលឱ្យអ្នករកស៊ីថៃរាប់ម៉ឺននាក់ត្រូវឡុងចុង និងជេរបញ្ចោររដ្ឋាភិបាលខ្លួនមក ពេលនេះរដ្ឋាភិបាលថៃចាប់ផ្តើមចម្លងពីខ្មែរដែរ ដោយបើកយុទ្ធនាការ«ថៃជួយថៃបន្ថយការតឹងតែងក្នុងការរស់នៅ» [ Thais Help Thais Easing the Cost of Living ] ដែលមានរយៈពេលពីថ្ងៃទី១៥ ឧសភា ដល់១៤ មិថុនា ២០២៦ ។
ឯកឧត្តមបានគូសបញ្ជាក់ថា តែសូមទោសយុទ្ធនាការ«ខ្មែរប្រើរបស់ខ្មែរ»មានរហូត ទាល់តែសៀមដាក់កន្ទុយរត់ចូលដីខ្លួនវិញ ។ ជាមួយគ្នានោះដែរ ឯកឧត្តមក៏បានលើកឡើងយករូបនាយករដ្ឋមន្ត្រី Anutin ជាមួយរដ្ឋមន្ត្រីពាណិជ្ជកម្ម Suphajee Suthumpun ជិះម៉ូតូដឹកឥវ៉ាន់លក់ចល័តបើកយុទ្ធនាការ ដើម្បីបំផុសអោយថៃដែលកំពុងទាត់ខ្យល់អោយបង្កើតរបរតូចតាចរស់តាមកម្មបណ្តើរៗ កាលពីថ្ងៃទី១១ ឧសភា ២០២៦ ដែលត្រូវបានកាសែតបាងកកប៉ុស្តិ៍ចេញផ្សាយនៅថ្ងៃ១៣ ឧសភា ២០២៦ផង ៕
ចែករំលែកព័តមាននេះ