ខេត្តកំពង់ឆ្នាំង ៖ លោក សេង វិចិត្រ អភិបាលស្រុករលាបៀរបានលើកឡើងថា ជារឿយៗ សិស្សដែលមានជីវភាពក្រីក្រ ខ្វះសំភារៈនិងមធ្យោបាយធ្វើដំណើរ ប្រឈមនឹងការបោះបង់ការសិក្សា។មានប្រសាសបែបនេះនៅក្នុងពិធីជួបសំណាល…
ខេត្តកំពង់ឆ្នាំង ៖ លោក សេង វិចិត្រ អភិបាលស្រុករលាបៀរបានលើកឡើងថា ជារឿយៗ សិស្សដែលមានជីវភាពក្រីក្រ ខ្វះសំភារៈនិងមធ្យោបាយធ្វើដំណើរ ប្រឈមនឹងការបោះបង់ការសិក្សា។មានប្រសាសបែបនេះនៅក្នុងពិធីជួបសំណាល ជាមួយលោកគ្រូអ្នកគ្រូនិងសិក្សានុសិស្ស និងផ្ដល់អំណោយដល់សិស្សក្រីក្រ នៅអនុវិទ្យាល័យគីរីសុវណ្ណវង្ស ស្ថិតក្នុងភូមិសន្ទូចឃុំស្រែថ្មីស្រុករលាប្អៀរ នាព្រឹកថ្ងៃទី ១២ ខែឧសភា ឆ្នាំ ២០២៦ ។
លោកអភិបាលស្រុករលាប្អៀរ បានបន្តថា អំណោយជាសម្ភារៈនិងថវិកា របស់សប្បុរសជននិងព្រះសង្ឃ ដែលមកឧបត្ថម្ភសិស្សនាពេល បានចូលរួមចំណែកជួយសម្រួលដល់ការសិក្សា និងមធ្យោបាយធ្វើដំណើរ កង់ គឺជួយសម្រួលដល់សិស្សដែលរស់នៅឆ្ងាយពីសាលារៀន ដើម្បីឱ្យមានលទ្ធភាពមកសាលាបានទៀងទាត់។
សប្បុរសជនជួយផ្តល់សៀវភៅ ប៊ិច និងសម្ភារៈផ្សេងទៀត ដើម្បីឱ្យសិស្សក្រីក្រមានធនធានគ្រប់គ្រាន់ដូចសិស្សដទៃ។ ការជួយទាំងនេះជាការលើកទឹកចិត្តយ៉ាងខ្លាំង មិនឱ្យសិស្សបោះបង់ការសិក្សា ដោយសារតែភាពក្រីក្រ ហើយក៏បាន កាត់បន្ថយការបោះបង់សាលារបស់កុមារ ដែលជាកត្តារារាំងដល់គុណភាពអប់រំ។ សកម្មភាពសប្បុរសធម៌ទាំងនេះ ជួយឱ្យកុមារក្រីក្រមានឱកាសសិក្សារៀនសូត្រ និងទទួលបានចំណេះដឹងសម្រាប់អនាគត ។
លោក អភិបាលស្រុករលាប្អៀរបានណែនាំអោយសិស្សានុសិស្ស ដែលរៀនសូត្រនៅតាមបណ្តាលាលាក្នុងស្រុករលាប្អៀរ ត្រូវរៀបចំនូវឥរិយាបថអោយបានសមរម្យជាសិស្ស ។ ក្រៅពីនេះមានការណែនាំមួយសិស្ស ចំនួនទៀតសូមបញ្ឈប់ ការលាបពណ៌សក់ សក់ម៉ូតវែង សក់ក្រវី ឬពាក់ក្រវិល២-៣តង់ ម៉ូតូ កែច្នៃខុសបច្ចេកទេស និងមិនពាក់មួកសុវត្ថិភាព ហាម ការប្រើប្រាស់ទូរសព្ទដៃនៅក្នុងថ្នាក់រៀន ហាម ប្រើប្រាស់បារីអេឡិចត្រូនិច និងបារីកញ្ចប់ ដើម្បីរក្សាវិន័យ និងបរិយាកាសសិក្សាអោយមានរបៀបរៀបរយ ៕
ចែករំលែកព័តមាននេះ