ADផ្ទាំងផ្សព្វផ្សាយពាណិជ្ជកម្ម

Picture

បង្ក្រា.ប​ករណី​ជួញដូរ​គ្រឿងញៀ.ន​ឆ្លង​ដែន​ទ្រង់ទ្រាយ​ធំ ចាប់ខ្លួន​ជនជាតិ​ឡាវ ២​នាក់ រឹបអូស​គ្រឿងញៀ.ន​មួយ​ចំនួន​ធំ​នៅ​រាជធានី​ភ្នំពេញ

5 ម៉ោង មុន
  • ភ្នំពេញ

រាជធានី​ភ្នំពេញ ​៖ កម្លាំង​ជំនាញ​នៃ​មន្ទីរ​ប្រឆាំង​បទល្មើស​គ្រឿងញៀន សហការ​ជាមួយ​ស្នងការដ្ឋាន​នគរបាល​ខេត្តស្ទឹងត្រែង និង​រាជធានី​ភ្នំពេញ ក្រោម​ការ​ដឹកនាំ​សម្របសម្រួល​ដោយ​លោក សេង ម៉េ​ង​ស្រ៊ុ​ន ព្រះរាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ បាន​ចុះ​បង្ក្រាប​ករណី​រក្សា​ទុក ដឹក​ជញ្ជូន​ឆ្លង​ដែន និង​ជួញដូរ​ដោយ​ខុសច្បាប់​នូវ​សារធាតុ​ញៀន​។

អនុវត្ត​តាម​បទបញ្ជា​របស់ ឯកឧត្តម នាយ​ឧត្តមសេនីយ៍ ស ថេ​ត អគ្គស្នងការ​នគរបាល​ជាតិ កម្លាំង​ជំនាញ​បង្ក្រាប​បាន​ករណី​ជួញដូរ​ខាងលើ​នេះ ធ្វើ​ឡើង​នៅ​ថ្ងៃ​ទី​១៧ ខែវិច្ឆិកា ឆ្នាំ​២០២៦ វេលា​ម៉ោង​១៖៣៨​នាទី​រំលង​អធ្រាត្រ នៅ​តាម​ផ្លូវលំ ក្នុងភូមិ​ភ្លូ​ផ្អែម សង្កាត់​គោក​រកា ខណ្ឌ​ព្រែក​ព្នៅ រាជធានី​ភ្នំពេញ​។

ជា​លទ្ធផល កម្លាំង​សមត្ថកិច្ច​បាន​ធ្វើការ​ចាប់ខ្លួន​ជនល្មើស​ចំនួន ០២​នាក់ ដែល​ជា​ជនជាតិ​ឡាវ រួម​មាន​៖ ឈ្មោះ VONG PHACHAN AONE ភេទ​ប្រុស អាយុ​២៩​ឆ្នាំ និង​ឈ្មោះ HEUANGP ASEUT VANTHALY ភេទ​ប្រុស អាយុ​២២​ឆ្នាំ​។ ក្នុង​ប្រតិបត្តិការ​នេះ សមត្ថកិច្ច​បាន​រឹបអូស​វត្ថុ​តាង ជា​គ្រឿងញៀន​ប្រភេទ​មេ​តំ​ហ្វេ​តា​មីន (ICE) មួយ​ចំនួន​ធំ​។

ជនសង្ស័យ​ទាំង​ពីរ​នាក់ និង​វត្ថុ​តាង​ត្រូវ​បាន​បញ្ជូន​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី​៕