បើកភ្នែកមើលស្លាកស្នាមដ៏សែនឈឺចាប់ ! ផ្ទះខ្ទេចខ្ទាំ បន្លាលួស និងទូកុងតឺន័រ! ទិដ្ឋភាពជាក់ស្តែងនៅភូមិព្រៃចាន់ និងជោគជ័យ
- បន្ទាយមានជ័យ
ខេត្តបន្ទាយមានជ័យ ៖ រឿងរ៉ាវស្លាកស្នាមដ៏ឈឺចាប់នៅឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ មិនមែនគ្រាន់តែជាព័ត៌មានធម្មតាទេ តែជាការបង្ហាញភស្តុតាងជាក់ស្តែងពីអ្នកសារព័ត៌មានជាតិ និងអន្តរជាតិ ដែលចុះផ្ទាល់នៅថ្ងៃទី២០ វិច្ឆិកានេះ។

ស្លាកស្នាមដ៏ឈឺចាប់នៅភូមិព្រៃចាន់ និងភូមិជោគជ័យ បន្សល់ទុកដោយសង្គ្រាមឈ្លានពានថៃ កាលពីឆ្នាំ២០២៥ ។ នេះបើយោងតាមលោក នេត្រ ភក្ត្រា រដ្ឋមន្ត្រីក្រសួងព័ត៌មានបានប្រកាសនារសៀលថ្ងៃទី២០ ខែវិច្ឆិកានេះ ។

នៅថ្ងៃទី២០ ខែវិច្ឆិកា ឆ្នាំ២០២៦ នេះ ក្រសួងព័ត៌មាន បានសម្របសម្រួលរៀបចំដំណើរទស្សនកិច្ចរបស់ក្រុមអ្នកសារព័ត៌មានជាតិ និងអន្តរជាតិ ចុះទៅយកព័ត៌មាន ថតរូប ថតវីដេអូ និងរាយការណ័នៅភូមិព្រៃចាន់ និងភូមិជោគជ័យ នៃខេត្តបន្ទាយមានជ័យ។

ទីភ្នាក់ងារសារព័ត៌មានកម្ពុជា សូមជូននូវរូបភាព ដែលបង្ហាញនូវស្លាកស្នាមដ៏សែនឈឺចាប់នៅភូមិព្រៃចាន់ និងភូមិជោគជ័យដែលបន្សល់ទុកដោយសង្គ្រាមឈ្លានពានរបស់ថៃ កាលពីឆ្នាំ២០២៥ កន្លងទៅ ។

ភូមិព្រៃចាន់ និងភូមិជោគជ័យ ស្ថិតក្នុងឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ គឺជាតំបន់ស៊ីវិលសុទ្ធសាធ និងស្ថិតក្នុងដែនអធិបតេយ្យរបស់កម្ពុជា ប៉ុន្តែផ្នែកខ្លះ ត្រូវបានថៃឈ្លានពានតាមរយៈការរាយបន្លាលួស ដាក់ទូកុងតឺន័រ និងបំផ្លិចបំផ្លាញផ្ទះប្រជាពលរដ្ឋស្លូតត្រង់យ៉ាងខ្ទេចខ្ទាំ។
រាជរដ្ឋាភិបាលកម្ពុជា តែងតែបញ្ជាក់ពីការប្រកាន់ជំហរដាច់ខាតដោយមិនទទួលស្គាល់ការកែប្រែខ្សែបន្ទាត់ព្រំដែនដោយការប្រើកម្លាំងនោះឡើយ ៕





ចែករំលែកព័តមាននេះ