ADផ្ទាំងផ្សព្វផ្សាយពាណិជ្ជកម្ម

Picture

ពូទីន ប្រកាសសងសឹកខ្លាំងក្លា ចំពោះរបបក្រុងគៀវដែលវា.យ.ប្រ.ហារស្ពាននិម្មិតរូបរបស់វិមានក្រឹមឡាំង

1 ម៉ោង មុន

សង្គ្រាម​អ៊ុយ​ក្រែ​ន ៖ ប្រធានាធិបតី​រុ​ស្ស៊ី លោក​វ្ល៉ា​ឌី​មៀរ​ពូ​ទី​ន ​កាលពី​ថ្ងៃ​ទី​១៩ ​វិច្ឆិកា បាន​ព្រមាន​ក្រុង​គៀវ​ថា នឹង​សងសឹក​វិញ​ចំពោះ​ការ​វាយប្រហារ​របស់​កងទ័ព​អ៊ុយ​ក្រែ​ន ​ប្រឆាំង​ស្ពាន​គ្រី​មេ​៣​លើក​មក​ហើយ​ក្នុង​ស​ប្ដា​ហ៍​នេះ​ ។ ប្រធានាធិបតី​រុ​ស្ស៊ីព្រមាន​ពី​ការ​សងសឹក​ដែល​ខ្លាំងក្លា​ និង​ឈឺចាប់​បំផុត ច​ពោះ​របប​ក្រុង​គៀវ​ដែល​វាយប្រហារ​ស្ពាន​នោះ​។

អ្នក​ទទួលខុសត្រូវ​នៃ​ឧបទ្វីប​គ្រី​មេ លោក​ស័​រ​ហ្គេ​យ​អាក់​ស៊ី​​យ៉ូ​ណូ​វ​ធ្លាប់​គូសបញ្ជាក់​ កាលពី​ព្រឹក​ថ្ងៃ​ទី​១៦ ​វិច្ឆិកា​ ថា អ៊ុយ​ក្រែ​ន​បាន​វាយប្រហារ​ស្ពាន​គ្រី​មេ ជា​ហេដ្ឋារចនាសម្ព័ន្ធ និម្មិតរូប​កំពូល​សម្រាប់​វិមាន​ក្រឹម​ឡាំង​ ។ ស្ពាន​នោះ​ បន្ទាប់​មក​រង​ការ​វាយ ប្រហារ​ខ្លាំង​បន្ត​ទៀត​ កាលពី​យប់​ថ្ងៃ​ទី​១៦ ​មក​១៧ ​វិច្ឆិកា​ ដែល​ក្រុង​គៀវ​ថា ការ​វាយប្រហារ​នោះ​ធ្វើ​ឡើង​ដោយ​គ្រាប់​មី​ស៊ី​ល ​និង​ដ្រូ​ន​ ។

តាម​ភ្នាក់ងារ​សន្តិសុខ​អ៊ុយ​ក្រែ​ន​ថា ការ​វាយប្រហារ​ទាំងនោះ​បាន​បំផ្លាញ​ទាំងស្រុង​មួយ​ផ្នែក​នៃ​ថ្នល់​សម្រាប់​រថយន្ត ​ខណៈ​ស្ពាន​នេះ ​មាន​ផ្លូវថ្នល់​ផង​ និង​ផ្លូវ​រថភ្លើង​ផង​។ ស្ពាន​គ្រី​មេ​រង​ការ​វាយ​ប​ប្រហារ​ជា​លើក​ទី​៣​ នា​ព្រឹក​ថ្ងៃ​ទី​១៩​ វិច្ឆិកា​ ។ ប្រធា​នាធិបតី​រុ​ស្ស៊ី ​បរិហារ​ការ​វាយប្រហារ​ស្ពាន​នោះ​ថា ជា​ការ​វាយប្រហារ​ប្រឆាំង​ហេដ្ឋារចនាសម្ព័ន្ធ​ស៊ី​​វិល​ និង​អះអាង​ថា ចាប់តាំងពី​យូរ​មក​ហើយ ស្ពាន​នេះ​​តែងតែ​ជា​ស្ពាន​ដែល​ប្រើ​ខ្លាំង​បំផុត សម្រាប់​ការ​ដឹក​ជញ្ជូន​សម្ភារ​យោធា​ និង​គ្រាប់រំសេវ ព្រមទាំង​ផលិតផល​ប្រេង​ផង​ដែរ​ ។

ម្យ៉ាងទៀត​នោះ​ ជា​ស្ពាន​សំខាន់​សម្រាប់​ការ​ដឹក​ជញ្ជូន​​បណ្ដា​អ្នកដំណើរ​ និង​ទំនិញ​ទាំងឡាយ​ផ្គត់ផ្គង់​តំបន់​គ្រី​មេ ដែល​មាន​ប្រជាជន​២,៤​លាន​នាក់​ ៕