ផលិតកម្មសត្វនៅកម្ពុជាយើងមានប្រមាណជា ជិត ៦៩លានក្បាល
- ភ្នំពេញ
ក្រសួងកសិកម្ម រុក្ខាប្រមាញ់ និងនេសាទ បានអះអាងថា ផលិតកម្មសត្វនៅទូទាំងប្រទេសកម្ពុជា គឺមាន ប្រមាណជាជិត៦៩លានក្បាល ។ នេះបើតាមរបាយការណ៍បូកសរុបការងារកសិកម្ម ដែលចេញ…
ក្រសួងកសិកម្ម រុក្ខាប្រមាញ់ និងនេសាទ បានអះអាងថា ផលិតកម្មសត្វនៅទូទាំងប្រទេសកម្ពុជា គឺមាន ប្រមាណជាជិត៦៩លានក្បាល ។ នេះបើតាមរបាយការណ៍បូកសរុបការងារកសិកម្ម ដែលចេញ កាលពីពេលថ្មីៗនេះ ។
ប្រភពដដែលបានបន្តថា ផលិតកម្មសត្វនៅកម្ពុជា នៅឆ្នាំ២០២៥ ថយចុះបន្តិច ពោល គឺប្រមាណជា ០,៣៨ភាគរយ បើធៀបនឹងឆ្នាំ២០២៤ ។
ប្រភពដដែលបានបន្តថា កម្ពុជាចិញ្ចឹមសត្វពាហនៈសរុប៣,៤៣លានក្បាលថយចុះ២,២៦ភាគរយ ហើយជ្រូកវិញ គឺមានចំនួន៤,៦៥លានក្បាលកើនឡើង១៤,៥៥ ភាគរយ ក្រៅពីនោះមានបក្សីប្រមាណជា ៦០,៧៦លានក្បាល ថយចុះ១,២៩ភាគរយ ។
ប្រភពដដែលបានបន្តថា ការចិញ្ចឹមសត្វមានលក្ខណៈគ្រួសារថយចុះ ប្រមាណជា៣,៥០ ភាគរយ ហើយការចិញ្ចឹមសត្វបែបពាណិជ្ជកម្មវិញ គឺកើនឡើង៣,៤៨ ភាគរយវិញ ៕
ចែករំលែកព័តមាននេះ