Ronaldo ខ្លាំងពីធម្មជាតិ តែ Messi ខ្លាំងផ្តាច់គេ
តាមប្រភពព័ត៌មាន Soccer Laduma បានឲ្យដឹងថា Antonio Cassano ដែលជាអតីតកីឡាកររបស់ Real Madrid បានសរសើរ…
តាមប្រភពព័ត៌មាន Soccer Laduma បានឲ្យដឹងថា Antonio Cassano ដែលជាអតីតកីឡាកររបស់ Real Madrid បានសរសើរ…
តាមប្រភពព័ត៌មាន Soccer Laduma បានឲ្យដឹងថា Antonio Cassano ដែលជាអតីតកីឡាកររបស់ Real Madrid បានសរសើរ Ronaldo ថាខ្លាំងបានមកពីធម្មជាតិ ខណៈដែល Messi ខ្លាំងផ្តាច់គេ ។
កីឡាករវ័យ៣៦ឆ្នាំរូបនេះបានប្រាប់សារព័ត៌មាន Vanity Fair ថា ៖«Ronaldo ទទួលភាពខ្លាំងពីធម្មជាតិ តែសម្រាប់អ្វីផ្សេងទៀតខ្ញុំមិនសូវជាពេញចិត្តទេ ។ ខ្ញុំសរសើរគេចំពោះការដែលអាចផ្តោតអារម្មណ៍ ក្នុងការស្វែងរកភាពជោគជ័យដោយប្រើទេពកោសល្យរបស់គេ ។ Juventus នឹងឲ្យលុយច្រើនៗសម្រាប់ Ronaldo ដោយសារតែរូបគេនៅតែខ្លាំង បើទោះបីជាវ័យ៣៣ឆ្នាំក៏ដោយ ។ គេនៅតែអាចនឹងស៊ុតចូលពី៣០ទៅ៤០គ្រាប់ដែរក្នុងមួយរដូវកាល» ។ ខណៈដែលសរសើរ Ronaldo អតីតកីឡាករអ៊ីតាលីរូបនេះបាននិយាយអំពី Messi ថារូបគេគឺជាកីឡាករខ្លាំងផ្តាច់គេលើលោក ។
Cassano បាននិយាយថា ៖«ខ្ញុំស្រលាញ់ចូលចិត្ត Messi មិនមែនដោយសារតែគេជាគូប្រជែងជាមួយនឹង Ronaldo ទេ ។ តែដោយសាររូបគេគឺជាកីឡាករខ្លាំងផ្តាច់គេ និងមានភាពខុសគេសម្រាប់ការគិតរបស់ខ្ញុំ ។ ខ្ញុំមិនដែលឃើញនរណាអាចស៊ុតចូលបានដោយថេរជើងបែបនេះទេ» ។
គួរបញ្ជាក់ផងដែរថា Cassano ធ្លាប់លេងនៅ Real បានពីរឆ្នាំនៅក្នុងចន្លោះឆ្នាំ២០០៦ និង ២០០៨ ។ គ្រាន់តែ Ronaldo ចូលលេងនៅឆ្នាំ២០០៩ភ្លាម Cassano ក៏ចេញភ្លាម ៕
ចែករំលែកព័តមាននេះ