សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៤ កក្កដា បានសម្ដែងការសាទរ ការចាប់ផ្ដើមរបស់កូរ៉េខាងជើងកម្ទេចចោលបណ្ដាហេដ្ឋារចនាសម្ព័ន្ធនៃទីតាំងសាកល្បងសំខាន់មួយសម្រាប់មីស៊ីលបាលីស្ទិក។ ដោយរំលឹកពីការជួបគ្នាកំពូលរបស់លោកជាមួយមេដឹកនាំកូរ៉េខាងជើងលោកគីម ជុងអ៊ុន នៅសិង្ហបុរីកាលពីខែមិថុនា…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី២៤ កក្កដា បានសម្ដែងការសាទរ ការចាប់ផ្ដើមរបស់កូរ៉េខាងជើងកម្ទេចចោលបណ្ដាហេដ្ឋារចនាសម្ព័ន្ធនៃទីតាំងសាកល្បងសំខាន់មួយសម្រាប់មីស៊ីលបាលីស្ទិក។
ដោយរំលឹកពីការជួបគ្នាកំពូលរបស់លោកជាមួយមេដឹកនាំកូរ៉េខាងជើងលោកគីម ជុងអ៊ុន នៅសិង្ហបុរីកាលពីខែមិថុនា លោកត្រាំថ្លែងថា រូបភាពផ្កាយរណបថ្មីៗបង្ហាញថា កូរ៉េខាងជើងចាប់ផ្ដើមដំណើរការនេះ ហើយយើងមានការចាប់អារម្មណ៍។
លោកត្រាំចង់និយាយសំដៅលើបណ្ដារូបភាពផ្កាយរណបថតកាលពីថ្ងៃទី២០ និងទី២២ កក្កដា ហើយចេញផ្សាយ ដោយវេបសាយអាមេរិក 38NORTH បង្ហាញពីចលនានៅឯមូលដ្ឋានបាញ់បង្ហោះផ្កាយរណបកូរ៉េខាងជើង ចាត់ទុកជាទីតាំងសាកល្បងសម្រាប់បណ្ដាមីស៊ីលបាលីស្ទិករំលងទ្វីប។ ក្នុងរូបភាពទាំងនេះគេឃើញអគារមួយដែលត្រូវកម្ទេចចោល ខណៈទីនោះជាកន្លែងតម្លើងបណ្ដាកាំជ្រួចមុនពេលដាក់លើជើងទម្របាញ់បង្ហោះ។
រដ្ឋមន្ត្រីការបរទេសអាមេរិកលោក MIKE POMPEO និយាយថា រូបភាពទាំងនោះបង្ហាញពីការគោរពទាំងស្រុងបណ្ដាការសន្យារបស់លោកគីម ជុងអ៊ុន កាលពីខែមិថុនា។
តាម TWITTER លោកត្រាំសម្ដែងក្ដីរីករាយថា ពុំមានមីស៊ីលណាមួយត្រូវបានកូរ៉េខាងជើងបាញ់បង្ហោះឡើយ រយៈពេល៩ខែកន្លងមកនេះ រួចក៏គ្មានការសាកល្បងនុយក្លេអ៊ែរដែរ៕
ចែករំលែកព័តមាននេះ