រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានអះអាងថា សម្រាប់ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦នេះ គណបក្សប្រជាជនកម្ពុជា និងបន្តឈ្នះទៀតតាមរយៈស្នាដៃកសាងមានច្រើនលើសលុបជូនប្រជាជន ។…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានអះអាងថា សម្រាប់ការបោះឆ្នោតជ្រើសតាំងអ្នកតំណាងរាស្ត្រអាណត្តិទី៦នេះ គណបក្សប្រជាជនកម្ពុជា និងបន្តឈ្នះទៀតតាមរយៈស្នាដៃកសាងមានច្រើនលើសលុបជូនប្រជាជន ។
លោក សុខ ឥសាន បានឲ្យដឹងនៅថ្ងៃទី២០ កក្កដា តាមប្រព័ន្ធតេឡេក្រាមថា គណបក្សប្រជាជនកម្ពុជាពិតជាឈ្នះឆ្នោត ច្រើនលើសលុបដោយសារគណបក្សមានស្នាដៃ និងគុណសម្បត្តិធំធេងសម្រាប់ផលប្រយោជន៏ជាតិ និងប្រជាជនកម្ពុជា ។
លោកក៏បានមួលហេតុនៃការឈ្នះឆ្នោតយ៉ាងដូច្នេះថា«ប្រជាជនសុទ្ធតែបានមើលឃើញផ្ទាល់ ស្ទាបត្រូវនឹងដៃ បានទទួលផលប្រយោជន៍ ។ ស្នាដៃទាំងនេះរបស់គណបក្សប្រជាជនកម្ពុជា គឺជាទឡ្ហីករណ៍ និងភស្តុតាងដ៏មានសក្តានុពល ដើម្បីប្រជាជនបន្តគាំទ្រគណបក្សប្រជាជនកម្ពុជាឲ្យដឹកនាំជោគវាសនាប្រទេសតទៅទៀត ដោយមានសម្តេចតេជោ ហ៊ុន សែន ជា នាយករដ្ឋមន្ត្រី ដែលមានបទពិសោធន៏យ៉ាងច្រើនក្នុងការដឹកនាំប្រទេស» ។
លោកបន្ដែមថា បញ្ហាសំខាន់គឺមេដឹកនាំគណបក្សប្រជាជនកម្ពុជាជាអ្នកសង្គ្រោះប្រជាជនឲ្យរួចផុតពីការកាប់សម្លាប់ពីរបប ប៉ុល ពត នាំមកនូវកិច្ចព្រមព្រៀងទីក្រុងប៉ារីស ជាពិសេសស្វែងរកបានសន្តិភាព ការឯកភាពជាតិជូនមាតុភូមិកម្ពុជា ជាឱកាសសម្រាប់កសាង និងអភិវឌ្ឍន៏ប្រទេសឲ្យមានការរីកចម្រើនតទៅ ៕
ចែករំលែកព័តមាននេះ