នៅក្នុងទ្រឹស្តីព្រះពុទ្ធសាសនាបានលើកឡើងថា ស្ត្រីពួកខ្លះក្នុងលោកនេះមិនមានគុណធម៌ក្នុងខ្លួនទេ តែងត្មះតិះដៀលដោយប្រការផ្សេងៗ និងមើលងាយប្តី ដែលខ្លួនបានរៀបការឱនក្បាលដល់កន្ទេលយ៉ាងត្រឹមត្រូវតាមប្រពៃណី។ ពួកស្រីខ្លះបានមាក់ងាយប្តីដោយហេតុ ៨ យ៉ាងៈ ១- ប្ដីគ្មានទ្រព្យសម្បត្តិ…
នៅក្នុងទ្រឹស្តីព្រះពុទ្ធសាសនាបានលើកឡើងថា ស្ត្រីពួកខ្លះក្នុងលោកនេះមិនមានគុណធម៌ក្នុងខ្លួនទេ តែងត្មះតិះដៀលដោយប្រការផ្សេងៗ និងមើលងាយប្តី ដែលខ្លួនបានរៀបការឱនក្បាលដល់កន្ទេលយ៉ាងត្រឹមត្រូវតាមប្រពៃណី។ ពួកស្រីខ្លះបានមាក់ងាយប្តីដោយហេតុ ៨ យ៉ាងៈ
១- ប្ដីគ្មានទ្រព្យសម្បត្តិ ទីទ័លក្រ
២- ប្ដីឈឺជានិច្ច ឈឺមិនលស់ថ្ងៃ
៣- ប្ដីចាស់ទុព្វលភាព គ្មានកម្លាំងកំហែង
៤- ប្ដីផឹកគ្រឿងស្រវឹង សេពគ្រឿងញៀន
៥- ប្ដីធ្វេសប្រហែស មិនស្គាល់កាលគួរ និងមិនគួរ
៦- ប្ដីអាប់ឥតប្រាជ្ញា ល្ងង់ខ្លៅ មិនដឹងទិសតំបន់
៧- ប្ដីខ្ជិលច្រអូសក្នុងកិច្ចការងារទាំងឡាយ
៨- ប្ដីមិនប្រឹងប្រែងរកលុយ រកទ្រព្យសម្បត្តិឲ្យកើតមាន
ទោះជាយ៉ាងសម្រាប់ខ្លួនយើងជាប្រពន្ធត្រូវមានភក្តីភាព មានទឹកចិត្តស្មោះស្ម័គ្រចំពោះប្តី មិនគួរមើលងាយមើលថោកប្ដីទេ បើទោះជាប្តីជាអ្នកគ្មានទ្រព្យសម្បត្តិបំពេញចិត្តខ្លួនយ៉ាងណាក្តី។ ស្ត្រីគ្រប់រូប ត្រូវដឹងថា បុរសម្នាក់នេះជាស្វាមីរបស់យើងពិតៗ ដូច្នេះត្រូវគោរពស្រឡាញ់គាត់ឲ្យបានល្អ មិនត្រូវមាក់ងាយដោយហេតុណាមួយឡើយ និងត្រូវយកចិត្តទុកដាក់ចំពោះប្តីយើងទាំងថ្ងៃទាំងយប់គ្រប់ពេល និងត្រូវចេះសន្តោសចំពោះប្តី បើមានកំហុសឆ្គងណាមួយអាចអនុគ្រោះឲ្យបាន ក៏អនុគ្រោះទៅមិនត្រូវបង្កបញ្ហាឲ្យកាន់តែធ្ងន់នោះទេ ។
ដោយឡែកខ្លួនអ្នកជាប្រុសវិញកាលបើដឹងថាប្រពន្ធមិនពេញចិត្តត្រង់ចំណុចណាមួយពិសេសគឺចំណុចទាំង៨ខាងលើនេះ អ្នកត្រូវធ្វើខ្លួនមិនឲ្យមានកំហុសឆ្គងគឺកំហុសជាន់កំហុសនេះតទៅទៀត និងត្រូវឧស្សាហ៍ព្យាយាមធ្វើការឡើងដើម្បីប្រែក្លាយខ្លួនជាប្ដីដ៏ល្អ ប្តីគំរូ ប្តីគួរជាទីគោរពស្រឡាញ់ ។
ចែករំលែកព័តមាននេះ