តាមប្រភពព័ត៌មាន Soccer Laduma បានឲ្យដឹងថា កីឡាករជើងខ្លាំងប្រចាំក្លិបអ្នកមានបុណ្យ Lionel Messi ត្រូវបានគេរាយការណ៍មកថា បានសុំក្លិបរបស់ខ្លួនឲ្យចុះកុងត្រាយកមិត្តរួមក្រុមជម្រើសជាតិ Cristian Pavon ។
Pavon អាយុ២២ឆ្នាំ ដែលបានលេងនៅ World Cup ក្នុងក្រុមជម្រើសជាតិអាហ្សង់ទីនបានធ្វើឲ្យក្លិបជាច្រើនពេញចិត្តចង់បាន ។ មានព័ត៌មានខ្លះថា ក្លិបបច្ចុប្បន្នរបស់គេ Boca Juniors បានអនុញ្ញាតឲ្យ Barcelona ចូលប្រសិនបើគេចង់នាំយកតារាឆ្នើមរូបនេះទៅកាន់ Camp Nou បើទោះបីជាមានក្លិបជាច្រើនទៀតពេញចិត្ត Pavon ដែរក៏ដោយ ។
ក្លិបកាំភ្លើងធំ Arsenal ក៏បានកំពុងតែតាមមើលកីឡាករអាហ្សង់ទីនម្នាក់នេះដែរទាំងដឹងថាថ្លៃផ្តាច់កុងត្រានៅក្លិបចាស់មានតម្លៃ ៤២.៥អឺរ៉ូ ។
គួរបញ្ជាក់ផងដែរថា Pavon បានរកគ្រាប់បាល់២២គ្រាប់ជូនក្លិប Boca ក្នុងការប្រកួត៨១ដង តាំងពីចូលលេងដំបូងក្នុងឆ្នាំ២០១៤ ៕
ចែករំលែកព័តមាននេះ