ការយកចិត្តទុកដាក់ថែរក្សាមាត់ធ្មេញគឺជារឿងសំខាន់បំផុត ដ្បិតវាមិនត្រឹមតែធ្វើឱ្យធ្មេញទាំង៣២មានពណ៌សដូចគុជប៉ុណ្ណោះទេ តែថែមទាំងជួយអ្នកក្នុងការទំពារអាហារបានស្រួល និយាយបានច្បាស់ ជាពិសេសជួយឱ្យអ្នកមើលទៅមានភាពស្រស់ស្អាតទៀតផង ។
ការយកចិត្តទុកដាក់ថែរក្សាមាត់ធ្មេញគឺជារឿងសំខាន់បំផុត ដ្បិតវាមិនត្រឹមតែធ្វើឱ្យធ្មេញទាំង៣២មានពណ៌សដូចគុជប៉ុណ្ណោះទេ តែថែមទាំងជួយអ្នកក្នុងការទំពារអាហារបានស្រួល និយាយបានច្បាស់ ជាពិសេសជួយឱ្យអ្នកមើលទៅមានភាពស្រស់ស្អាតទៀតផង ។
ការសិក្សាស្រាវជ្រាវជាច្រើនបានបង្ហាញថា អនាម័យមាត់ធ្មេញសំខាន់ខ្លាំងណាស់សម្រាប់សុខភាពជាទូទៅរបស់មនុស្សម្នាក់ៗ ។ ក្រៅពីបំបាត់ខ្យល់ដកដង្ហើមមិនល្អក៏ដូចជាការពារមិនឱ្យទៅជាពណ៌លឿង អនាម័យមាត់ធ្មេញល្អក៏អាចទប់ស្កាត់ជំងឺបេះដូងបានផងដែរ ។ ដើម្បីថែរក្សាធ្មេញអស់លោកអ្នកឱ្យមានសុខភាពល្អ រឹងមាំបានយូរអង្វែង គប្បីជៀសវាងការប្រព្រឹត្តិមួយចំនួនដូចខាងក្រោមនេះ ៖
១-ទំពារដុំទឹកករឹង ៖ ដោយសារតែវាគ្មានរសជាតិផ្អែម ដូច្នេះអ្នកប្រហែលជាគិតថា ដុំទឹកកកមិនធ្វើឱ្យធ្មេញខូចនោះទេ ។ ទោះជាយ៉ាងនេះក្តី ភាពរឹងរបស់ដុំទឹកកកអាចធ្វើឱ្យឆែបឬបែកធ្មេញរបស់អ្នក ។ មួយវិញទៀត ប្រសិនជាការទំពារលាន់សូរគ្រួបៗធ្វើឱ្យរមាស់ដល់ស្រទាប់កោសិកាខាងក្នុងធ្មេញនោះ អ្នកអាចនឹងកើតមានជំងឺឈឺធ្មេញជាមិនខាន ។ ការទទួលទានអាហារក្តៅពេកឬត្រជាក់ពេកក៏អាចធ្វើឱ្យអ្នកឈឺនៅម្តុំថ្គាមឬឈឺធ្មេញរយៈពេលយូរបានដែរ ។
២- ការសង្កៀតធ្មេញ ៖ ការប្រព្រឹត្តិបែបនេះជារឿយៗមួយរយៈពេលណាមួយនោះ អាចនឹងនាំឱ្យសឹកធ្មេញ ។ តាមធម្មតា ការសង្កៀតធ្មេញបង្កឡើងក្នុងពេលកំពុងដេកលង់លក់និងពេលមានភាពតានតឹងក្នុងចិត្ត (Stress) ហើយដែលនេះគឺជារឿងពិបាកគ្រប់គ្រង ។ ដើម្បីជៀសវាងបែបនេះ អ្នកគួរពាក់ប្រដាប់ការពារធ្មេញក្នុងពេលដេកឬជៀសវាងការទទួលទានអាហារ រឹងៗ ។
៣- ថ្នាំបៀមបំបាត់ក្អក៖ បើទោះវាជាថ្នាំពេទ្យសម្រាប់ជួយព្យាបាលការក្អកនិងឈឺបំពង់.កក្តី ប៉ុន្តែមិនមែនមានន័យថា វាមិនផ្តល់ផលអាក្រក់ដល់សុខភាពនោះទេ ។ ភាគច្រើនបំផុតនៃថ្នាំបៀមបំបាត់ក្អកគឺមានផ្ទុកសារធាតុស្ករ ។ ដូច្នេះ សូមដោសសម្អាតធ្មេញបន្ទាប់ពីបៀមរួច។
៤- ទម្លាប់ទំពារស្ករកៅស៊ូ ៖ រាល់ស្ករទំពារទាំងអស់គឺសុទ្ធតែអាចធ្វើឱ្យធ្មេញពុកខណៈស្ករមួយចំនួនស្ថិតនៅជាប់ស្អិតជាមួយធ្មេញបន្ទាប់ពីការទទួលទានរួច ។
៥- ប្រើធ្មេញបើកឆ្នុកដបនិងគម្របកំប៉ុងផ្សេងៗ ៖ វាអាចជារឿងងាយស្រួលដែលយើងប្រើធ្មេញបើកគម្របដបនិងកំប៉ុង ប៉ុន្តែវាជាទម្លាប់អាក្រក់មួយផងដែរ ដែលនាំឱ្យអ្នកទៅរកទន្តពេទ្យ ។ ទង្វើបែបនេះនឹងនាំឱ្យធ្មេញបែកឬឆែប ។ ដើម្បីលុបបំបាត់ទម្លាប់អាក្រក់បែបនេះ អ្នកគួររក្សាទុកប្រដាប់គាស់កំប៉ុងនៅជិតខ្លួនគ្រប់ពេល ។ ចូរចងចាំថា ធ្មេញរបស់អ្នកមានតួនាទីសម្រាប់តែការទំពារអាហារប៉ុណ្ណោះ ។
៦-ទទួលទានបណ្តាភេសជ្ជៈផ្អែមខ្លាំងក្រោយការហាត់ប្រាណឬលេងកីឡា៖ វាជាការពិតដែលការទទួលទានភេសជ្ជៈផ្អែមត្រជាក់បន្ទាប់ពីហាត់ប្រាណរួចធ្វើឱ្យយើងមានអារម្មណ៍ស្រស់ស្រាយ ប៉ុន្តែសូមចាំថា ភេសជ្ជៈដែលជាធម្មតាសម្បូរដោយស្ករទាំងនោះ បានបង្កើតអាស៊ីដទៅវាយប្រហារលើកាចាធ្មេញរបស់អ្នក។ ដូច្នេះការទទួលទានញឹកញាប់នឹងធ្វើឱ្យធ្មេញឆាប់ពុក ។ វិធីល្អដើម្បីរក្សាជាតិទឹកក្នុងខ្លួនឱ្យបានគ្រប់គ្រាន់បន្ទាប់ពីហាត់ប្រាណរួច ចូរផឹកទឹកដែលគ្មានកាឡូរីនិងគ្មានជាតិស្ករ ។
៧- ផឹកកាហ្វេ ៖ ក្រៅពីធ្វើឱ្យធ្មេញមានពណ៌ស្រអាប់លឿង កាហ្វេមិនបានធ្វើឱ្យធ្មេញពុក ឆែបឬមានជំងឺនោះទេ ។ សូមពិគ្រោះជាមួយទន្តពេទ្យ ប្រសិនជាអ្នកបារម្ភអំពីពណ៌មិនស្អាតបែបនេះ ។
៨- ការជក់បារី ៖ បារីរួមនិងផលិតផលថ្នាំជក់គ្រប់ប្រភេទ សុទ្ធតែអាចធ្វើឱ្យប្រឡាក់ធ្មេញ ព្រមទាំងធ្វើឱ្យអញ្ចាញមានពណ៌មិនដូចធម្ម ជាតិ ។ ក្រៅពីនេះ បារីក៏អាចបង្កឱ្យមានមហារីកមាត់ មហារីកអណ្តាតនិងបបូរមាត់ផងដែរ ។
៩- ទទួលទានស្រា ៖ អាស៊ីដនៅក្នុងស្រាក្រហមឬស្រាសបានធ្វើឱ្យកាចាធ្មេញសឹករេចរឹល បង្កើតបានជាដុំគ្រើមដែលងាយឱ្យធ្មេញប្រឡាក់ ដិតជាប់ចំណីអាហារទទួលទានរួច ៕
ចែករំលែកព័តមាននេះ