ប្រទេសជប៉ុន ៖ ពួកអ្នកជួយសង្គ្រោះជប៉ុន កាលពីថ្ងៃទី៨ កក្កដា បន្តពុះពារដើម្បីជួយសង្គ្រោះមនុស្សទាំងឡាយ ដែលជាប់ទៅណាមិនរួច ដោយសារភ្លៀងធ្លាក់យ៉ាងខ្លាំងក្នុងផ្នែកដ៏ធំ នាភាគខាងលិចប្រទេស ។យោងតាមតួលេខបណ្ដោះអាសន្នផ្លូវការថា ទឹកជំនន់បណ្ដាលឲ្យមនុស្សស្លាប់យ៉ាងតិច៨៧នាក់រួចហើយ ប៉ុន្តែទូរទស្សន៍រដ្ឋNHKរៀបរាប់ពីតុល្យការអ្នកស្លាប់ថា មានដល់យ៉ាងតិច១០០នាក់ ហើយមនុស្ស៥៨នាក់ទៀតបាត់ខ្លួន។
នាយករដ្ឋមន្ត្រីជប៉ុនលោកសីុនហ្សូអាបេ ក្នុងកិច្ចប្រជុំបន្ទាន់មួយជាមួយរដ្ឋមន្ត្រីសំខាន់ៗ ថ្លែងថា ការជួយសង្ក្រោះអាយុជីវិតមនុស្សនិងការជម្លៀសមនុស្សចេញ កំពុងធ្វើយ៉ាងសកម្មពេលទឹកជន់លិច។អ្នកនាំពាក្យរដ្ឋាភិបាលក៏រៀបរាប់ដែរពីមនុស្សច្រើននាក់បាត់ខ្លួន។
យោងតាមទីភ្នាក់ងារគ្រប់គ្រងគ្រោះមហន្តរាយធម្មជាតិជប៉ុនថា មនុស្សប្រមាណជា១០០នាក់នៃបណ្ដាតំបន់រងការប៉ះពាល់ដោយទឹកជំនន់រងរបួស ។ ការប្រកាសអាសន្នកម្រិតខ្ពស់បានលុបចោលហើយ។នៅតំបន់ក្រុងមីហារ៉ាជិតក្រុងហីុរ៉ូសីុម៉ា ភ្លៀងឈប់ធ្លាក់ហើយនារសៀលថ្ងៃទី៨កក្កដា ហើយប្រជាជនចាប់ផ្ដើមវិលត្រឡប់ចូលក្រុងវិញ ក្រោយពីជម្លៀសទៅកាន់កន្លែងមានសុវត្តិភាព។
លោកយ៉ូសីុហីុដហ្វូជីតា អ្នកទទួលខុសត្រូវម្នាក់ខាងគ្រប់គ្រងគ្រោះមហន្តរាយ ក្រុងហីុរ៉ូសីុម៉ាគូសបញ្ជាក់ថា ប្រតិបត្តិការជួយសង្គ្រោះនៅរក្សា២៤ម៉ោង ទល់២៤ម៉ោង។ យើងក៏សាកល្បងផងដែរស្ដារឡើងវិញហេដ្ឋារចនាសម្ព័ន្ធសំខាន់ៗ ដូចជាបណ្ដាញទឹកនិងឧស្ម័ន។នាយប់ថ្ងៃទី៨កក្កដា មនុស្សប្រមាណជា៨០នាក់នៅជាប់ក្នុងមន្ទីរពេទ្យមួយនៅគូរ៉ាសីុគីតំបន់ក្រុងអូកាយ៉ាម៉ា។ពួកអ្នកជួយសង្គ្រោះបានស្ទូចយកពួកអ្នកជាប់ក្នុងមន្ទីរពេទ្យនេះមួយចំនួនតាមឧទ្ធម្ភាគចក្រ ចំណែកអ្នកឯទៀតៗក្នុងនោះមួយចំនួនជិះលើរទេះរុញ ត្រូវបានជម្លៀសចេញតាមនាវា។
ភ្លៀងធ្លាក់ខ្លាំងប្លែកបំផុតនាំឲ្យមានទឹកជំនន់ដ៏ធំនិងការបាក់ដី បណ្ដាលឲ្យមនុស្សច្រើននាក់ជាប់ទៅណាមិនរួច ទោះបីមានបទបញ្ជាឲ្យជម្លៀសមនុស្សដល់ជាង២លាននាក់ចេញក្ដី។មនុស្សមួយចំនួននាំគ្នារត់ឡើងលើដំបូលគេចពីទឹកឡើងលិចផ្ទះ ហើយពូកគេត្រូវបានជួយសង្គ្រោះតាមឧទ្ធម្ភាគចក្រ។
នាយករដ្ឋមន្ត្រីជប៉ុនលោកអាបេ បញ្ជាក់ថាអ្នកជួយសង្គ្រោះ ប៉ូលិសនិងកងយោធា ប្រមាណជា៥៤០០០នាក់ ត្រូវបានដាក់ពង្រាយនៅលើទីលាន ដោយលោកថា ពួកគេបានខិតខំពេញទំហឹងជួយសង្គ្រោះអាយុវិតមនុស្ស។ លោកអាបេបានសម្រេចលុបចោលការធ្វើដំណើររបស់លោក គ្រោងធ្វើពីថ្ងៃទី១១ កក្កដា ទៅកាន់ប្រទេសបែលហ្សិក បារាំង អារ៉ាប៊ីសាអ៊ូឌីត និងអេហ្សីុប ដោយផ្ដល់អាទិភាពដល់គ្រោះមហន្តរាយដ៏ធំធេងក្នុងប្រទេស ៕
ចែករំលែកព័តមាននេះ