រាជធានីភ្នំពេញ ៖ សេចក្តីរាយការណ៍បានឲ្យដឹងថា មានស្ត្រីម្នាក់មកដាក់ពាក្យបណ្តឹងឲ្យនគរបាលជួយអន្តរាគមន៍ដោយស្ត្រីបាននិយាយថា កាលពីថ្ងៃសៅ ទី៣០ ខែមិថុនា ឆ្នាំ២០១៨ មានបុរស២នាក់ដែលជាកម្មករសំណង់បានហៅម៉ូតូកង់បីប្តីគាត់ជិះចេញពីភូមិព្រៃស្ពឺ សង្កាត់ចោមចៅ២…
រាជធានីភ្នំពេញ ៖ សេចក្តីរាយការណ៍បានឲ្យដឹងថា មានស្ត្រីម្នាក់មកដាក់ពាក្យបណ្តឹងឲ្យនគរបាលជួយអន្តរាគមន៍ដោយស្ត្រីបាននិយាយថា កាលពីថ្ងៃសៅ ទី៣០ ខែមិថុនា ឆ្នាំ២០១៨ មានបុរស២នាក់ដែលជាកម្មករសំណង់បានហៅម៉ូតូកង់បីប្តីគាត់ជិះចេញពីភូមិព្រៃស្ពឺ សង្កាត់ចោមចៅ២ ទៅសៀមរាប ដោយម៉ៅនៅតម្លៃ២០០ដុល្លារ ។
ដោយបុរស២នាក់ខាងលើទើបរាប់អានប្តីគាត់ជាមិត្តភក្តិបានរយៈពេលកន្លះខែទេ ហើយនៅមិនទាន់បានស្គាល់អត្ថសញ្ញាណនៅឡើយទេ ។ ក្រោយពីរាប់អានគ្នាបានកន្លះខែក៏បាននិយាយម៉ៅម៉ូតូកង់បីប្តីរបស់គាត់ចេញពីព្រៃស្ពឺទៅខេត្តសៀមរាបក្នុងតម្លៃ២០០ដុល្លារ ។ នៅពេលនោះនាងបានឃាត់ប្តីដែរថា មិនបាច់ទៅទេ បើគេមានលុយដល់២០០ដុល្លារគេអាចជិះឡានក្រុងអស់តែម្នាក់៣-៤ម៉ឺនរៀលម៉េចគេមិនជិះ មកម៉ៅម៉ូតូកង់បីដល់២០០ដុល្លារធ្វើអី? ដោយនាងខ្លាចមិនស្រួលដែរទើបឃាត់ប្តី តែប្តីអត់ស្តាប់ ។
បុរសរងគ្រោះខាងលើមានឈ្មោះ ឈឿម សែម ភេទប្រុស មុខរបរកសិករ(ប្តី) ចំណែកស្ត្រីឈ្មោះ ជ្រឹម ម៉ាលីម ត្រូវជាប្រពន្ធ ។
សេចក្តីរាយការណ៍បន្តថា បុរសទាំង២នាក់ខាងលើនិយាយថា បើអត់ទៅដល់សៀមរាបក៏បានដែរឲ្យតែជូនដល់ផ្សារថ្មីអីក៏បានហើយ ចឹងហើយទើបស្ត្រីខាងលើព្រមឲ្យទៅ ។ នៅពេលជូនទៅប្តីនាងក៏បាត់មិនឃើញ រហូតដល់ម៉ោង៩យប់ថ្ងៃដដែលលឺថា ប្តីគាត់ទៅដល់សៀមរាបហើយនៅម្តុំឃុំដំដែក ។ ខណៈពេលនោះនាងក៏បានទូរស័ព្ទទៅប្តី តែប្តីគាត់អត់លើកទេ មានអ្នកផ្សេងលើក តែនាងសុំជួបប្តីនាង ប៉ុន្តែគេចេះតែកុហកនាងមិនឲ្យជួបប្តីរហូតលុះដល់ថ្ងៃនេះម៉ោង១២ថ្ងៃត្រង់ មានគេខលមកនាងថា ឈប់ទូរស័ព្ទមករញីរញ៉ៃទៀត ដោយនាងសួររកប្តី តែគេមិនប្រាប់ហើយឆ្លើយថា គេអត់ដឹងទេ ។
ដោយនៅថ្ងៃនេះនាងបានមកដាក់ពាក្យបណ្តឹងនៅប៉ុស្តិ៍នគរបាលចោមចៅ៣ ដោយនាងចាំមើលប្តី៣ថ្ងៃហើយ នៅតែមិនឃើញទើបដាច់ចិត្តទៅដាក់ពាក្យប្តឹង ដោយសារនាងអត់ដឹងទីតាំងទើបសមត្ថកិច្្ចបានដឹកនាងនាំមកប៉ុស្តិ៍នគរបាលចោមចៅ២ ហើយធ្វើការស្រាវជ្រាវរកប្តីគាត់ តែមិនដឹងថា ប្តីគាត់យ៉ាងណាទៅហើយនោះទេ ?
ពាន់ព័ន្ធសំណួរសួរថា តិចប្តីមានស្រី នាងបានឆ្លើយថា រឿងប្តីមានស្រី គឺអត់ទេ ប្តីគាត់ដាច់ខាតអត់មានស្រីទេ ដោយកន្លងមកធ្លាប់និយាយគ្នាហើយ ហើយណាមួយប្តីនាងមិនស្អាតទៀត ។ សមត្ថកិច្ចក៏បានធ្វើការស៊ើបអង្កេតស្រាវជ្រាវរកប្តីនាងផងដែរ ៕
ចែករំលែកព័តមាននេះ