រាជធានីភ្នំពេញ ៖ ខណៈនេះ ម៉ូតូកង់បីជាច្រើនគ្រឿងបាននាំគ្នាតម្រង់ជួរ ដើម្បីចាក់ហ្គាសនៅស្ថានីយប្រេងតេលាខ្មែរ ដែលស្ថិតនៅក្រោយផ្សារជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។ ការសម្រុកទៅចាក់ហ្គាសនេះ…
រាជធានីភ្នំពេញ ៖ ខណៈនេះ ម៉ូតូកង់បីជាច្រើនគ្រឿងបាននាំគ្នាតម្រង់ជួរ ដើម្បីចាក់ហ្គាសនៅស្ថានីយប្រេងតេលាខ្មែរ ដែលស្ថិតនៅក្រោយផ្សារជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
ការសម្រុកទៅចាក់ហ្គាសនេះ ត្រូវបានអ្នករត់ម៉ូតូកង់បី ឲ្យដឹងថា ដោយសារតែហ្គាសនៅស្ថានីយ៍ប្រេងតេលាខ្មែរនេះមានតម្លៃតែ៣,២០០រៀលក្នុង១លីត្រ ធូរថ្លៃជាងហ្គាសនៅស្ថានីយប្រេងនានា ដែលស្ថានីយ៍ខ្លះថ្លៃ រហូតទៅដល់ជាង ៤ពាន់រៀល ក៏មានដែរ និងខ្លះទៀត អត់មានហ្គាសចាក់តែម្ដង ។
ជាការកត់សម្គាល់នៅក្នុងការចាក់ហ្គាសនោះ ប្រជាពលរដ្ឋយកធុងហ្គាសទៅបញ្ចូល បុគ្គលិកនៅស្ថានីយ៍ ពុំបានចាក់អោយនោះទេ គីចាក់តែម៉ូតូកង់៣ និងរថយន្ត តែប៉ុណ្ណោះ ។
បើតាមបុគ្គលិកស្ថានីយ៍ បានប្រាប់ឲ្យដឹងថា ចាប់តាំងពីវេលាម៉ោង៤ភ្លឺ រហូតមកដល់យប់ថ្ងៃទី២៤ ខែមីនានេះ អ្នករត់ម៉ូតូកង់បី បាននាំគ្នា សម្រុកតម្រង់ជិះជាជួរ ដើម្បីចូលចាក់ហ្គាស នៅតេលាខ្មែរនេះ រហូតមកដល់ម៉ោង៨យប់ថ្ងៃដដែលនេះ ក៏នៅតែមានម៉ូតូកង់បីចូលចាក់ជាបន្តបន្ទាប់ ៕
ចែករំលែកព័តមាននេះ