រាជធានីភ្នំពេញ ៖ ក្រោយបង្ហាញសមត្ថភាពយ៉ាងស្វិតស្វាញនៅលើសង្វៀន ការប្រកួត កីឡាករ ឡុង រ៉ាវី មកពីក្លិបខ្លារខិនមានរិទ្ធ បានក្លាយជាអ្នកឡើងអង្គុយកៅអី១៦នាក់ ដូចការចង់បាននៅក្នុងការប្រកួតជម្រុះចាញ់ធ្លាក់ៗនៅប៉ុស្តិ៍លេខ៥។…
រាជធានីភ្នំពេញ ៖ ក្រោយបង្ហាញសមត្ថភាពយ៉ាងស្វិតស្វាញនៅលើសង្វៀន ការប្រកួត កីឡាករ ឡុង រ៉ាវី មកពីក្លិបខ្លារខិនមានរិទ្ធ បានក្លាយជាអ្នកឡើងអង្គុយកៅអី១៦នាក់ ដូចការចង់បាននៅក្នុងការប្រកួតជម្រុះចាញ់ធ្លាក់ៗនៅប៉ុស្តិ៍លេខ៥។ មួយគូដណ្តើមពានរង្វាន់នេះ ធ្វើឲ្យម្នាក់ៗកោតសរសើរយ៉ាងខ្លាំង ទម្រាំរកឃើញអ្នកឈ្នះ និងអ្នកហាលអាវ។
ការប្រកួតដែលបានកើតឡើងក្នុងព្រឹត្តិការណ៍ប្រកួតកីឡាប្រដាល់កំពូលជើងឯក TV5 BOXING KNOCK OUT SERIES(K-Cement) ប្រភេទទម្ងន់៦០គីឡូក្រាម នេះ ឈានដល់ការរកឃើញអ្នកឡើងអង្គុយកៅអី១៦នាក់ជិតចប់វគ្គជម្រុះជុំទី១ហើយ បន្ទាប់ពីកីឡាករ៣២រូប ប្រកួតគ្នាចាញ់ធ្លាក់ៗ ចំណាយពេលជម្រុះគ្នា អស់ច្រើនសប្ដាហ៍។
ការប្រកួតដែលបានធ្វើឡើងកាលពីព្រលប់ថ្ងៃទី៣០ មិថុនានោះ អ្នកប្រដាល់ ឡុង រ៉ាវី បានក្លាយជាអ្នកឈ្នះដូចការគ្រោងទុក បើទោះជាគេត្រូវប្រឈមនឹងការវាយលុកផង និងវាយបកផងពីសំណាក់កីឡាករលី តឿ យ៉ាងចាស់ដៃ នៅលើសង្វៀន។
យ៉ាងណាមិញអ្នកចាញ់បានទទួលស្គាល់ពីការបរាជ័យរបស់ខ្លួន ដោយសារតែឱកាសវាយកែងរបស់ ឡុង រ៉ាវី ខ្លាំងគួរឱ្យសរសើរ៕
ចែករំលែកព័តមាននេះ