ង៉ែត វុធ ត្រូវគេចោទថា ស៊ីឡាក់
- ភ្នំពេញ
រាជធានីភ្នំពេញ ៖ ការប្រកួតកាលពីថ្ងៃទី៣០ ខែមិថុនា ឆ្នាំ២០១៨ នៅលើសង្វៀនទូរទស្សន៍អាស៊ីអាគ្នេយ៍ កីឡាករ ង៉ែត វុធ មកពីក្លិបកងពលតូចទ័ពពិសេសឆ័ត្រយោង៩១១…
រាជធានីភ្នំពេញ ៖ ការប្រកួតកាលពីថ្ងៃទី៣០ ខែមិថុនា ឆ្នាំ២០១៨ នៅលើសង្វៀនទូរទស្សន៍អាស៊ីអាគ្នេយ៍ កីឡាករ ង៉ែត វុធ មកពីក្លិបកងពលតូចទ័ពពិសេសឆ័ត្រយោង៩១១ ត្រូវបានអ្នកទស្សនាស្រែកថា បានឈ្នះដោយសារស៊ីឡាក់ ដោយម្នាក់ៗអះអាងថា បើទោះជាកីឡាករ សេក គឹមសាន្ត មកពីក្លិបអង្គរមានជ័យខេត្តសៀមរាប បានល្មើសនឹងវិន័យជ្រុលដៃថែមក៏ពិតមែន ក៏មិនដល់ថ្នាក់សន្លប់ ព្រោះតែមួយស្នៀតនោះដែរ។
យ៉ាងណាមិញ គណៈកម្មការប្រដាល់របស់អាស៊ីអាគ្នេយ៍បានអះអាងថា ការប្រកាសឱ្យកីឡាករ ង៉ែត វុធ ឈ្នះ គឺដោយសារតែការជ្រុលដៃថែមពេញទំហឹងរបស់ភាគីម្ខាងទៀត គឺមានលក្ខខណ្ឌឱ្យចាប់កំហុសពិតប្រាកដ។
លោក ញាណ សុធី អ្នករៀបការប្រកួតបានទទួលស្គាល់ថា ធម្មតាកីឡាករម្នាក់ត្រូវបានគេចាប់កំហុសថា ថែមខុសបច្ចេកទេស គឺភាគីដែលរងគ្រោះដែលត្រូវគណៈកម្មការកំណត់ឱ្យឈ្នះ រមែងត្រូវបានគេចោទថា ស៊ីឡាក់ ព្រោះតែចង់ឈ្នះដោយស្រួល។ ប៉ុន្តែក្នុងនាមជាគណៈកម្មការឱ្យតែកំហុសឆ្គងនោះត្រូវទំនងនឹងលក្ខខណ្ឌច្បាប់ គឺត្រូវតែចាប់ ដោយមិនអាចនិយាយបានថា មួយដៃ ឬមួយជើង នឹងការល្មើសនោះ ពិតជាបណ្ដាលឱ្យសន្លប់ ឬមិនសន្លប់ក្ដី។
លោកបន្តទៀតថា បើការវាយថែមមិនត្រូវបានចាប់កំហុស គឺមិនខុសពីបណ្ដាលឱ្យកីឡាករម្ខាងទៀតបានចិត្តនោះទេ ទើបលោកយល់ថា ការកំណត់ឱ្យអ្នកថែមចាញ់ដោយស្វ័យប្រវត្តិ ដើម្បីកុំឱ្យមានការករណីនេះបន្តទៀត។
ចំណែកកីឡាករ ង៉ែត វុធ បានអះអាងថា ខ្លួនមិនបានស៊ីឡាក់ទេ ប៉ុន្តែបណ្ដាលមកពីមួយស្នៀតដែលថែមរបស់ សេក គឹមសាន្ត មានកម្រិតធ្ងន់ ទើបលោកមិនអាចក្រោកមកប្រកួតតតាំងបាន។ លោកបន្តថា ខ្លួននឹងមិនខ្វល់ពីការរិះគន់ថា ស៊ីឡាក់នោះទេ ដោយសារតែអ្នកស្រែកថា លោកធ្វើពុតដើម្បីបានឈ្នះមិនមែនជាលោក៕
ចែករំលែកព័តមាននេះ