រាជធានីភ្នំពេញ ៖ ស្ត្រីចំនួន៤នាក់រងរបួសធ្ងន់នៅក្នុងគ្រោះថ្នាក់ចរាចរណ៍បង្កដោយរថយន្តហាឡែនឌ័រមួយគ្រឿងដែលអ្នកបើកបរស្រវឹងសល់ពីយប់បើកបុករះម៉ូតូ២គ្រឿងពីក្រោយជាបន្តបន្ទាប់ហើយកិនម៉ូតូមួយគ្រឿងជាប់ក្រោមរថយន្ត ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែមិថុនា ឆ្នាំ២០១៨ ស្ថិតនៅតាមផ្លូវសម្តេច ជា…
រាជធានីភ្នំពេញ ៖ ស្ត្រីចំនួន៤នាក់រងរបួសធ្ងន់នៅក្នុងគ្រោះថ្នាក់ចរាចរណ៍បង្កដោយរថយន្តហាឡែនឌ័រមួយគ្រឿងដែលអ្នកបើកបរស្រវឹងសល់ពីយប់បើកបុករះម៉ូតូ២គ្រឿងពីក្រោយជាបន្តបន្ទាប់ហើយកិនម៉ូតូមួយគ្រឿងជាប់ក្រោមរថយន្ត ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៨និង៣០នាទីព្រឹក ថ្ងៃទី២៥ ខែមិថុនា ឆ្នាំ២០១៨ ស្ថិតនៅតាមផ្លូវសម្តេច ជា ស៊ីម មុខផ្សារបឹងបៃតង ក្នុងភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។
រថយន្តបង្កម៉ាកហាយឡែនឌ័រ ពណ៌ក្រហម ពាក់ស្លាកលេខ ភ្នំពេញ 2Y-7321 បើកបរដោយបុរសម្នាក់ឈ្មោះ រស់ វណ្ណា អាយុ៣៣ឆ្នាំ មានអាស្រ័យដ្ឋានផ្ទះលេខ៦០AZ ផ្លូវ១៣៤ ភូមិ៧ សង្កាត់ផ្សារដេប៉ូ២ ខណ្ឌទួលគោក ។
តាមការអោយដឹងពីនគរបុរសនោះមានជាតិស្រវឹងសល់ពីយប់ និងបើកបរក្នុងល្បឿនលឿនពីកើតទៅលិចតាមបណ្តោយផ្លូវសម្តេច ជា ស៊ីម ដល់ចំណុចខាងលើបានបុកពីក្រោយម៉ូតូម៉ាកនិច ពណ៌ស ពាក់ស្លាកលេខ ភ្នំពេញ 1FH-8313 មួយគ្រឿងបណ្តាលអោយស្ត្រីម្នាក់ឈ្មោះ ពុធ ម៉ារីតា អាយុ១៨ឆ្នាំ ស្នាក់នៅ ក្នុងខណ្ឌឫស្សីកែវ បានរបងរបួសធ្ងន់ ។
ដោយសារតែល្បឿនលឿនរថយន្តជ្រុលទៅបុកម៉ូតូ ម៉ាកសេ១២៥ ពណ៌ខ្មៅ ពាក់ស្លាកលេខ ភ្នំពេញ 1FH-9309 មួយគ្រឿងទៀត និងកល់ជាប់ពីក្រោមរថយន្តហើយបណ្តាលអោយស្ត្រី៣នាក់ទៀតរងរបួសធ្ងន់ ។
តាមសម្តីអ្នកបើកបររថយន្តបានឲ្យដឹងថា មុនកើតហេតុខណៈដែលដឹកកូនទៅសាលារៀនធ្វើដំណើរតាមផ្លូវពីកើតទៅលិចដល់ចំណុចខាងលើជ្រុលទៅបុកម៉ូតូពីគ្រឿងពីក្រោយដែលបើកស្របទិសគ្នាតែម្តង ។
ភ្លាមៗស្ត្រីរងគ្រោះត្រូវរថយន្តបញ្ចូនទៅកាន់មន្ទីរពទ្យដើម្បីសង្គ្រោះ ។ រថយន្ត និងម៉ូតូ២គ្រឿងរួមទាំងអ្នកបើកបររថយន្តបង្កផងសមត្ថកិច្ចបញ្ជូនទៅកាន់អធិការដ្ឋានខណ្ឌសែនសុខជាបណ្តោះអាសន្នរងចាំដោះស្រាយ ៕
ចែករំលែកព័តមាននេះ