គ្មានអ្វីចម្លែកទេ បើ Messi សុំចូលនិវត្តន៍
តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្រុមជម្រើសជាតិអាហ្សង់ទីន Pablo Zabaleta បានលើកឡើងថា ខ្លួននឹងមិនភ្ញាក់ផ្អើលទេ ប្រសិនបើ…
តាមប្រភពព័ត៌មាន Soccer Laduma បានឲ្យដឹងថា អតីតកីឡាកររបស់ក្រុមជម្រើសជាតិអាហ្សង់ទីន Pablo Zabaleta បានលើកឡើងថា ខ្លួននឹងមិនភ្ញាក់ផ្អើលទេ ប្រសិនបើ Lionel Messi សុំចូលនិវត្តន៍ពីក្រុមជម្រើសជាតិ នៅក្រោយការប្រកួត World Cup ឆ្នាំ២០១៨ ចប់។ នៅក្រោយការប្រកួតជាមួយនឹងក្រូអាស៊ីបានលទ្ធផលចាញ់គេ 3-0 Messi ហាក់បីដូចជាបាក់ទឹកចិត្តយ៉ាងខ្លាំង ដែលដល់ថ្នាក់អតីតកីឡាករ Pablo គិតថា រូបគេអាចនឹងសុំឈប់ពីការប្រកួតថ្នាក់អន្តរជាតិក្នុងពេលឆាប់ៗខាងមុខ។ 
Pablo បានប្រាប់ទៅកាន់ BBC ថា៖ «ខ្ញុំមានអារម្មណ៍សោកស្តាយយ៉ាងខ្លាំង សម្រាប់ Lionel Messi។ នេះអាចជាពេលចុងក្រោយ ដើម្បីឈ្នះអ្វីបានខ្លះជាមួយនឹងក្រុមជម្រើសជាតិ។ ដូចនេះ ខ្ញុំនឹងមិនភ្ញាក់ផ្អើលទេ ពេលឃើញរូបគេសុំឈប់ពេលខាងមុខ។ Messi ពិតជាអស់សង្ឃឹមយ៉ាងខ្លាំង ព្រោះត្រូវចាំដល់៤ឆ្នាំទៀត ទើបដល់ World Cup មួយទៀត»។
អតីតកីឡាករខាងលើបានបន្តថា៖ «អ្នកនៅអាហ្សង់ទីនពេលនេះ ខឹងយ៉ាងខ្លាំង។ ពួកគេរំពឹងខ្លាំងណាស់ ពីកីឡាករក្រុមជម្រើសជាតិ។ ខ្ញុំមិនដែលឃើញការប្រកួតបែបនេះរបស់អាហ្សង់ទីនទេ។ វាមើលទៅហាក់បីដូចជាខ្វះព្រលឹងក្នុងខ្លួន ហើយពិតជាពិបាកនឹងមើលណាស់»។
គួរបញ្ជាក់ផងដែរថា Messi កន្លងមកបានឡើងប្រកួតចំនួន១២៤ដង សម្រាប់ប្រទេសរបស់ខ្លួន ដែលក្នុងនោះស៊ុតចូលទីបាន៦៤គ្រាប់៕
ចែករំលែកព័តមាននេះ