សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំអះអាងនាថ្ងៃទី២១ មិថុនា ថា កូរ៉េខាងជើងកម្ទេចចោលរួចហើយ ទីតាំងសាកល្បងមីសីុលបាលីស្ទិកធំៗ របស់ខ្លួនចំនួន៤កន្លែង ក្នុងទិសដៅឆ្ពោះទៅរំសាយនុយក្លេអ៊ែរទាំងស្រុង។
លោក ត្រាំ លើកពីរឿងនេះនាឱកាសនៃកិច្ចប្រជុំមួយរបស់រដ្ឋាភិបាលលោក ក្រោយគារជួបគ្នាកំពូលជាប្រវត្តិសាស្ត្ររបស់លោក ជាមួយមេដឹកនាំកូរ៉េខាងជើង លោកគីមជុងអ៊ុនកាលពីសប្ដាហ៍មុននៅសិង្ហបុរី។ ក្នុងកិច្ចប្រជុំកំពូលនេះ លោកគីមជុងអ៊ុនបានសន្យារំសាយនុយក្លេអ៊ែរទាំងស្រុងនៅឧបទ្វីបកូរ៉េហើយលោកត្រាំផ្ដល់ការសន្យាធានាសន្តិសុខដល់របបកូរ៉េខាងជើង។កូរ៉េខាងជើងឈប់បាញ់មីសីុល ក្នុងនោះរួមមានមីសីុលបាលីស្ទិក និងកម្ទេចចោលបណ្ដាទីតាំងសាកល្បងនុយក្លេអ៊ែរ ។
លោក ត្រាំ អះអាងថាកូរ៉េខាងជើងបានបំផ្ទុះចោលរួចហើយទីតាំងសាកល្បងនុយក្លរអ៊ែរធំជាងគេបំផុតមួួយ ក្នុងចំណោមទីតាំងសាកល្បងធំៗ ។ តាមពិតទៅទីតាំងសាកល្បងបាលីស្ទិកធំ៤បំផ្លាញចោលរួចហើយ។អ្វីដែលសំខាន់នោះគឺថាការរំសាយនុយក្លេអ៊ែរទាំងស្រុងចាប់ផ្ដើមរួចហើយ ។ កូរ៉េខាងជើងកាលពីខែឧសភាបានកម្ទេចចោល ទីតាំងសាកល្បងនុយក្លេអ៊ែរសំខាន់របស់ខ្លួន PUNGGYE-RI ដែលមានរូងក្រោមដី៤ ។
លោកត្រាំក៏សរសើរផងដែរដល់រដ្ឋមន្ត្រីការបរទេសអាមេរិកលោក MIKE POMPEO ដែលបានបំពេញការងារដ៏ល្អបំផុតលើបញ្ហាគូរ៉េខាងជើង។ លោក POMPEOគ្រោងមកកាន់ក្រុងព្យុងយ៉ាងនាប៉ុន្មានថ្ងៃខាងមុខនេះដើម្បីបន្តការចរចា ៕
ចែករំលែកព័តមាននេះ