មនុស្សជាច្រើនចូលចិត្តផឹកតែខ្មៅដើម្បីឲ្យឆាប់មានកម្លាំង ។ មានអំណះអំណាងបែបវិទ្យាសាស្ត្រដ៏ល្អមួយដែលបង្ហាញអំពីប្រសិទ្ធភាពរបស់តែនេះ ។ តែខ្មៅមានជាតិកាហ្វេអ៊ីនច្រើនណាស់ ។ វាក៏ផ្ទុកទៅដោយសារធាតុជួយភ្ញោចបន្តិចបន្តួចដែរឈ្មោះថា Theophylline។ សារធាតុទាំងពីរនេះអាចទៅបង្កើនល្បឿនចង្វាក់បេះដូង និងធ្វើឲ្យអ្នកមានអារម្មណ៍ប្រុងប្រយ័ត្នកាន់តែច្រើនបាន…
មនុស្សជាច្រើនចូលចិត្តផឹកតែខ្មៅដើម្បីឲ្យឆាប់មានកម្លាំង ។ មានអំណះអំណាងបែបវិទ្យាសាស្ត្រដ៏ល្អមួយដែលបង្ហាញអំពីប្រសិទ្ធភាពរបស់តែនេះ ។ តែខ្មៅមានជាតិកាហ្វេអ៊ីនច្រើនណាស់ ។ វាក៏ផ្ទុកទៅដោយសារធាតុជួយភ្ញោចបន្តិចបន្តួចដែរឈ្មោះថា Theophylline។ សារធាតុទាំងពីរនេះអាចទៅបង្កើនល្បឿនចង្វាក់បេះដូង និងធ្វើឲ្យអ្នកមានអារម្មណ៍ប្រុងប្រយ័ត្នកាន់តែច្រើនបាន ។ តែបៃតងក៏សម្បូរទៅដោយសារធាតុផ្តល់សុខភាពច្រើនដែរនោះគឺ Polyphenols ដែលជាអង់ទីអុកស៊ីដង់សម្រាប់ជួយការពារកោសិកាពីការខូចខាតរបស់ DNA ។
អ្នកវិទ្យាសាស្ត្រមួយចំនួនគិតថា អង់ទីអុកស៊ីដង់ ពិសេសៗក្នុងតែដូចជា Polyphenols និង Catechins ប្រហែលជាជួយបង្ការជំងឺមហារីកមួយចំនួន ។ ឧទាហរណ៍ ការស្រាវជ្រាវមួយចំនួនបានឲ្យដឹងថា ស្ត្រីដែលផឹកតែខ្មៅជាទៀងទាត់មានការថយចុះនូវការប្រឈមនឹងជំងឺមហារីកក្រពេញអូវែជាងស្ត្រីដែលមិនបានផឹកតែនេះ ។ ប៉ុន្តែរឿងនេះក៏ត្រូវការការស្រាវជ្រាវបន្ថែមទៀតដែរ ។ លើសពីនេះទៅទៀត ការស្រាវជ្រាវបានបញ្ជាក់ទៀតថា តែខ្មៅមិនបានកាត់បន្ថយការប្រឈមនឹងជំងឺមហារីកសុដន់, ក្រពះ ឬពោះវៀនធំនិងចុងពោះវៀនធំឡើយ ។ អំណះអំណាងដែលកាន់តែច្បាស់នោះគឺថា អង់ទីអុកស៊ីដង់ក្នុងតែខ្មៅប្រហែលជាជួយកាត់បន្ថយជំងឺក្រិនរឹងសរសៃឈាមបាន ជាពិសេសលើមនុស្សស្រីតែម្តង ។ វាក៏ប្រហែលជាជួយកាត់បន្ថយជំងឺគាំងបេះដូងដែរ ។ 
ការទទួលទានតែខ្មៅជាទៀងទាត់ក៏ប្រហែលជាជួយកាត់បន្ថយជំងឺមួយចំនួនដូចជា៖ ជំងឺទឹកនោមផ្អែម, កូឡេស្តេរ៉ុលឡើងខ្ពស់, គ្រួសក្នុងតម្រងនោម, ជំងឺ Parkinson ប៉ុន្តែតម្រូវការនៃសិក្សាស្រាវជ្រាវបន្ថែមចំពោះឥទ្ធិពលរបស់តែបៃតងចំពោះជំងឺទាំងនេះត្រូវតែធ្វើបន្ថែមដើម្បីបញ្ជាក់អំពីភាពច្បាស់លាស់របស់វា ។ អំណះអំណាងដំបូងដែលបញ្ជាក់អំពីការប្រើប្រាស់តែខ្មៅរយៈពេលយូរនោះគឺថា វាក៏ប្រហែលជាជួយការពារខ្លួនពីជំងឺដូចជា៖ ជំងឺពុកឆ្អឹង, ជំងឺមហារីកសួត ប៉ុន្តែការសិក្សាជាលក្ខណៈទ្រង់ទ្រាយធំត្រូវតែធ្វើដើម្បីបញ្ជាក់ឲ្យបានច្បាស់អំពីរឿងនេះ ។ ហើយសារធាតុចម្រាញចេញពីតែបៃតងត្រូវបានគេដាក់លក់ជាថ្នាំបំប៉ន ។ ពេលខ្លះថ្នាំបំប៉ននេះមានទាំងប្រភេទឫសឈើ ផ្សេងៗ, វីតាមីន ឬជាតិរ៉ែ ។
ការផឹកទឹកតែខ្មៅក្នុងកម្រិតមធ្យម (មួយទៅបួនពែងក្នុងមួយថ្ងៃ) ប្រហែលជាជួយបង្កើនសម្ពាធឈាមបានបន្តិច ប៉ុន្តែឥទ្ធិពលរបស់វាមិនមានរយៈពេលយូរនោះទេ ។ ការផឹកក្នុងចំនួនដូចគ្នានេះមិនមានជាប់ពាក់ព័ន្ធនឹងការលើសសម្ពាធឈាមរយៈពេលយូរឡើយ ។ ការសិក្សាជាលើកដំបូងលើមនុស្សបានបង្ហាញអោយដឹងថា ថ្នាំបំប៉នប្រភេទតែខ្មៅអាចបង្កើនការរំលាយអាហារ និងសម្ពាធឈាមបាន ។ ការប្រែប្រួលសម្ពាធឈាមអាចជារឿងមួយគួរអោយបារម្ភ ។ ទោះបីជាយ៉ាងណាក៏ដោយ ការកើនឡើងតិចតួចប្រហែលជាមានប្រយោជន៍ចំពោះអ្នកវិលមុខដោយសារតែសម្ពាធឈាមចុះខ្សោយពេលក្រោកឈរ ៕
ស្រង់ពីគេហទំព័រសុខភាព
ចែករំលែកព័តមាននេះ